› 選擇地區
三藩市
紐約
洛杉磯
其他美國地區
香港 台灣 北美
 
2010年11月05日

林一峰、梁祖堯
黑面見真情

梁祖堯和林一峰合作無間,兩人私下不時鬥嘴,但卻無損友情。

林一峰由03年出道樂壇時開始和一班舞台劇演員合作,當中包括了梁祖堯、邵美君、湯駿業等,這8年合作無間,讓大家建立起一份難得的情誼。要同時兼顧唱歌又做舞台劇,工作量加重了的一峰試過綵排時鬧情緒黑面,只要是朋友便會諒解,一峰希望可以和他們繼續並肩作戰。

林一峰正忙於為今個月底上演的舞台劇《戀愛總是平靜地意外身亡》綵排,此劇於去年首演時,4千多張門票在3小時之內全部售罄,由於反應熱烈,所以今年再度重演,一峰說:「因為上年有好多人買唔到飛睇,所以今年再原汁原味重演,雖然事隔一年,對白都冇忘記,其中有段情節係我哋寸政府一啲宣傳廣告片抄足外國show,雖然係抄廿年前嘅作品,但因為人哋實在太出名,所以呢啲明寸政府嘅情節一定唔會cut。」

拗撬無損感情

對於一峰而言,能夠和一班合作多年的舞台劇演員再度相聚,是相當難能可貴的事,他說:「03年我剛出道,就同風車草劇團合作,同梁祖堯、邵美君佢哋都合作咗8年,可以講係識於微時,咁多年嚟累積咗工作經驗,銷量、票房都有過,家最重要係開心,所以我好珍惜呢啲合作機會,每隔一段時間就走埋一齊做舞台劇。」

這幾年間的合作建立起一段友誼,但過程中少不免有爭拗,梁祖堯說:「有時一峰排排吓戲會黑面,我哋體諒佢多嘢做,難控制情緒。」一峰亦不甘示弱反駁說:「唔知上次邊個黑面呢?」雖然當中難免有些拗撬,不過都無損大家的感情,一峰說:「其實都係針對件事去討論啫。」
採訪、攝影:魯萍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載