› 選擇地區
三藩市
紐約
洛杉磯
其他美國地區
香港 台灣 北美
 
2010年11月05日

陳茵媺短髮催運
升呢女主角

陳茵媺入行短短四年,做出成績已很感恩。

一脫成名並不是每個人都會選擇走的捷徑,陳茵媺身材驕人,卸任港姐後簽約無綫卻一直封胸,雖然有料但堅決拒絕行性感,甘心在戲棚默默耕耘,剪去一頭長髮,演女警、記者等角色,終於捱出頭來升呢做女主角!

選美出身的陳茵媺在剛播完的劇集《讀心神探》第一次做第一女主角,她循序漸進,選美、拍劇、攞飛躍女藝人獎,順理成章做女主角,需要四年,相比起陳法拉的「脫」,無疑是遲了一點,但對比多位港姐冠軍,她的成功路確是行得容易。

拍拖順其自然

陳茵媺日前說:「我都好感恩,咁快可以做到呢個成績,所以我可以同公司講,我係唔使休息o架!畀多啲嘢我做,我唔會攰,我會好開心!」莫非她不想拍拖,她斬釘截鐵說:「呢啲隨緣喇,順其自然囉!我都唔擔心。」
最近陳茵媺一直保持短頭髮,做個男仔頭,在《讀》劇演林保怡妹妹,經常纏住哥哥,又要嗲聲嗲氣,她說:「同之前好唔同,雖然係短頭髮,但係今次成日要嗲哥哥同媽咪、爹哋。」
短髮的陳茵媺給人爽朗的感覺,一洗她性感的味道,加上她刻意封胸,令人淡忘她天生一副好身材,她說:「其實我都冇刻意封胸,只係我覺得短頭髮好襯我性格,而呢個短頭髮都唔係因為轉型而剪,係嗰時拍第一套劇監製建議我剪,不過剪咗真係幾好,好幸運。」
採訪:楊潔雯 攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載