› 選擇地區
三藩市
紐約
洛杉磯
其他美國地區
香港 台灣 北美
 
2010年12月02日

高層齊聲撐
志偉急搵林峯演賀歲片

邵氏與無綫有份投資的賀歲片《我愛HK開心萬歲》會有過百無綫藝人參與,名單中獨欠早前被邵氏電影製作總監黃家禧指未夠號召力的林峯。監製曾志偉指戲未拍完,大家不要太早下結論,樂易玲則表示會盡量幫林峯度期,黃家禧就補鑊說林峯一定有份,眾人一致力撐林峯。

賀歲片《我愛HK開心萬歲》昨在邵氏影城舉行拜神儀式,監製曾志偉率領一班演員出席,包括吳君如、梁家輝、馮淬帆、陳法拉與李治廷等,無綫高層樂易玲與邵氏電影製作總監黃家禧也有出席。

黃家禧急補鑊

黃家禧之前酒後吐真言說林峯在電影上未夠號召力,他昨碰上力撐愛將林峯的樂易玲,依然有傾有講。今次電影會選用無綫大量藝人,但過百人名單中未見林峯名字,問黃家禧是否不敢再用林峯?他神色慌張強調:「唔係,我從來冇講過佢(林峯)唔好,一定有佢份,只係未拍到。」
有傳黃家禧被「燉冬菇」,他表示40年來在邵氏位置也沒變,希望大家不要將事件越描越黑,強調跟樂易玲和林峯都沒芥蒂。樂易玲說與黃見面沒尷尬:「我哋一星期見幾次面,識咗佢10幾年,佢成日同我酒後吐真言。上次佢只係將啲菲林亂剪一通,佢唔使戒酒,因為佢要幫我頂酒。」提到演員名單沒林峯,她解釋:「之前度過3次期都度唔到,睇吓之後度唔度到。」
監製志偉指電影還有10多日才煞科:「未拍完,邊個得閒就邊個嚟拍,話唔定林峯會飛返嚟客串。對林峯有信心,或者可以試做低下層角色,唔一定要做有錢仔。」

君如棄暗投明

女主角吳君如被志偉取笑棄暗投明,因為上年她幫黃百鳴拍賀歲片,君如說:「梗係唔可以咁講,有多啲唔同類型嘅戲咪幾好。」提到黃百鳴找了張栢芝與劉嘉玲對撼她,君如笑謂:「唔使講都知我身材樣貌好過佢哋,冇得比。」
採訪:胡比
攝影:林德雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載