› 選擇地區
三藩市
紐約
洛杉磯
其他美國地區
香港 台灣 北美
 
2010年12月22日

天王抱抱20年一閏

黎明(左)和華仔這對多年宿敵,是非一朝化解,兩人前晚甫見面即來個深情擁抱。

前晚首場紅館演唱會,劉德華專程請來由90年代四大天王時期爭獎爭崩頭的宿敵黎明做嘉賓,掀起整晚高潮,全場叫聲震天,當黎明未出場時,華仔語重心長說:「以往因為有呢個嘉賓,所以令到你哋更錫我,更支持我,當我搵佢做嘉賓時,佢都有少少懷疑,但我話我嘅fans唔只支持我,仲係支持每一個人。」

相關新聞:街訪:「握手位唔夠多」

之後黎明出場,兩人甫見面先來個深情擁抱,全場起哄,黎明說:「恭喜晒,好開心。我喺台下面見到一啲平時冇機會見嘅人,又透過耳機聽到華仔同你哋嘅對話,接觸到你哋,呢個經歷令我好溫暖好開心。」隨即兩人合唱一曲《明星》,黎明甫開腔唱歌,觀眾拍掌附和,但華仔和黎明卻表現有點生疏。當華仔唱至最後一句:「求你在心中記住我。」黎明即說:「我會。」多年是非可謂一朝化解。接着黎明獨唱一曲《忘情水》,全程他只企在台中,未有行近觀眾席。
訪問時華仔表示三、四個月前親自致電請黎明,他說:「喺過去嘅30年,佢的確擔當一個重要角色。」但提到黎明似不敢行近觀眾,華仔笑說:「有幾驚,冇嘢喎!」
曲目:《明星》、《忘情水》

天若有情

現場播出華仔經典作品《天若有情》中和吳倩蓮的片段,華仔則以「華Dee」造型坐着一架車牌「30th」的blingbling電單車出現,全場嘩聲四起,他笑說:「當年我憑呢個look呃咗好多女仔,好多女仔以為我係好男友,你哋話係唔係?」
曲目:《情深的一句》

相關新聞:165分鐘個唱完全睇華仔肉火燒紅館

母子情深

同場播出華仔和葉德嫻(圖)合演的《法外情》片段,一身旗袍造型的葉德嫻出場,掌聲雷動,華仔唱出《MaMaILoveU》時,甫見戲中媽媽已開始忍不住飲泣。接着葉德嫻獨唱一曲《赤子》,雖然久未在台上唱歌,但葉德嫻寶刀未老,唱功令人拍爛手掌。接着華仔以《無間道》中的警察「劉建明」現身,穿上閃爆避彈衣,再用雙手大玩激光。
曲目:《MaMaILoveU》、《赤子》、《無間道》、《被遺忘的時光》、《流浪》、《神鵰大俠》、《暗裡着迷》

睡衣派對

華仔以山本耀司的波點睡衣出現安哥環節,加上一連串快歌,前排fans幾乎全部企起身,華仔也識趣地走近他們握手,其間有fans攬着他不放,要保安人員出手將他們分開,華仔又抱起fans的BB,台上台下打成一片。
曲目:《獨自去偷歡》、《不需要愛情》、《鑽石眼淚》、《末世天使》、《情感的禁區》、《可不可以》、《17歲》、《IDon'tWannaSayGoodbye》

三度落淚

經過前年瞞婚事件,華仔形象一度插水,他前晚再次在紅館開騷,壓力甚大,不過現場見fans不離不棄繼續支持自己,難怪華仔三度落淚,其間更一度泣不成聲,他說:「有時演唱會唔需要大製作,只要用心,都會得到大家支持。人大咗反而唔夠堅強,我係鐵人嚟o架嘛,但咁易俾你哋感動到,呢首歌我要話畀大家聽,雖然我冇機會逐一見到你哋記住你哋個樣,但每個嘅掌聲我都係會記住。」歌迷向華仔送上紙巾拭淚,他抹完後拋回台下送給fans。
曲目:《心只有你》、《仍唱我的歌》

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載