蘋果日報 | APPLE DAILY
› 選擇地區
三藩市
紐約
洛杉磯
其他美國地區
2010年12月22日
馬上成為壹會員

千嬅嫁丁子高
自比終身成就獎

楊千嬅與丁子高前晚在灣仔君悅酒店補擺囍酒,大笑姑婆嫁得如意郎君,整晚high爆,在敬酒後,開始由嘉賓上台表演,側田與吳雨霏等歌星唱完歌,丁氏夫婦也上台湊熱鬧,而且成咪霸。一對新人各自感謝親友,千嬅致謝辭更自嘲似站在頒獎台,而這晚就是獲得終身成就獎。

楊千嬅與丁子高去年8月在美國拉斯維加斯註冊結婚後,前晚在港補擺囍酒,筵開48席宴請親朋好友,在開席前一對新人穿了婚紗和黑色禮服牽手進場,場內電視播放兩人從小到大、相識、拍拖及拉斯維加斯註冊結婚片段,之後新郎和新娘子上台交換結婚戒指和切蛋糕,並接受現場賓客祝福。

新郎高呼愛外母

千嬅與丁子高不斷在台上多謝今次幫手搞婚禮的好朋友時,她突然大笑道:「點解咁似叱咤頒獎禮…哈哈,好似講緊得獎感受咁,哈哈,今晚我得到呢個終身成就獎,比任何一個獎更加令我開心感動及快樂,多謝老爺奶奶,送咗個咁好老公畀我,令我搵番自己。爹哋、媽咪,我結婚你哋唔係冇咗個女,係多咗個仔。希望細佬都快啲結婚。」
丁子高則表示以前一生最愛婆婆、媽咪和姐姐,現在多了兩個,他說:「家開始,我生命中多咗兩個最愛嘅女人,一個係我老婆,一個係千嬅媽咪,媽咪我會好好咁照顧千嬅,亦都一定會全心全意照顧你同爹哋(外父外母)。」

後來到林夕、吳彥祖和余文樂等上台說祝福語,林夕表示:「曾經我好肉麻比喻,千嬅好似我心頭一塊肉咁。佢結婚啦,我身上塊肉割咗畀人,家又痛又愛,加起嚟就係痛愛。」
婚宴上丁子高預備了驚喜給老婆,拍了一條片,講自己在產房等老婆生仔,然後穿肉色緊身衫,在錄音室裏面扮初生嬰兒着肉色緊身衫同一班兄弟載歌載舞,令台下千嬅捧腹大笑,賓客拍爛手掌。
丁子高之後上台說:「條片裏面嘅我雖然好儍好搞笑,做呢啲嘢都係得一個原因,因為我好鍾意見到老婆笑。可以有機會見到我最鍾意嘅女人笑,係我終身幸福。千嬅,你係冇嫁錯老公嘅!」

造就另一段姻緣

想不到前晚的婚宴會造就了另一對婚姻,丁子高姐姐的男友趁婚宴的感人氣氛下求婚,在場人士都起哄叫丁姐姐「嫁佢!」結果她答應男友求婚,全場齊鼓掌。司儀森美就請側田等歌星上台唱歌助興,接着丁子高和千嬅也上台合唱,直至唱到凌晨1時許才盡興回酒店房間休息。
採訪:魯萍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載