› 選擇地區
三藩市
紐約
洛杉磯
其他美國地區
香港 台灣 北美
 
2010年12月22日

阿倫為無綫開大門

溫拿昨日到新城宣傳,他們謂正努力借場,希望演唱會可加場。

溫拿樂隊五位成員昨日到新城電台訪問,宣傳明年2月4日年初二舉行的六場演唱會,慶祝溫拿38周年紀念。譚詠麟(阿倫)說:「對上一次溫拿開騷做咗12場,我哋之後係許冠文訂咗場地,已經搵緊許冠文個助手,希望可以借到場地,加多一至兩場都好。」

籲團結不應杯葛

四大唱片公司最近終於和無綫破冰,身為四大歌手的阿倫認為對各方面也有好處,他說:「對觀眾、唱片公司、歌手都係好事。」問阿倫會否願意亮相無綫節目?他說:「我嘅大門已經打開咗。」據知歌手可同時亮相香港各大電視傳媒機構,阿倫表示此問題想留給其他歌手回答,因為選擇從一而終抑或亮相各大電視的問題,實屬見仁見智。
對於東亞和英皇杯葛港台頒獎禮,阿倫就呼籲樂壇團結,似暗指不應有杯葛之事,他說:「唱片已經好難做,應該先站穩陣腳,冇人鍾意喺落雨天搬居,我只會撐團結,撐番好個樂壇唔好失禮人。」
採訪、攝影:魯萍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載