› 選擇地區
三藩市
紐約
洛杉磯
其他美國地區
香港 台灣 北美
 
2010年12月22日

馮仁昭四圍超:阿倫做配角谷盡Mr. - 馮仁昭

明明話係阿倫同Mr.嘅音樂會,但最終阿倫就只係唱得三首歌。

譚詠麟和樂隊Mr.前晚喺九展舉行「RollingPower音樂會」,仲邀請關楚耀做表演嘉賓,Mr.成員Tom嘅女友蔡穎恩(Evelyn)都不避嫌捧場,佢仲睇到好鬼興奮,成個人跳晒起身。
不過音樂會雖然話由阿倫同Mr.演出,但前晚阿倫就只係同Mr.合唱咗3首歌,連一首獨唱都冇,搞到成個音樂會變相係Mr.迷你騷。

Mr.自薦做溫拿嘉賓

事後Mr.接受訪問就話佢哋啱啱去完北京出席風雲榜頒獎禮,仲得到樂壇新人獎,令佢哋好開心,都算係對校長嘅交代。對於阿倫只唱3首歌,Mr.就笑話阿倫要留番明年溫拿演唱會上表演,佢哋都話好想做溫拿演唱會嘅嘉賓,如果阿倫叫到就一定答應。
至於有指四大唱片將與無綫破冰,Mr.就話仲未收到公司嘅通知,前晚佢哋都繼續以廣東話接受有線同亞視訪問,不過佢哋坦言希望以最舒服同親切嘅語言接受訪問,但提到會唔會去《勁歌》頒獎禮時,佢哋就強調任何頒獎禮都會出席,仲話:「係party,當玩吓,我哋已經拎咗好多唔係獎項嘅嘢,賺咗好多經驗,心中富有,唔係睇獎。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載