蘋果日報 | APPLE DAILY
› 選擇地區
三藩市
紐約
洛杉磯
其他美國地區
2010年12月22日
馬上成為壹會員

Evelyn、Anjaylia
聖誕血拼不再慳

(左起)Anjaylia、Evelyn和Leanne已向公司攞定假,以求聖誕可與最愛共度。

o靚模蔡穎恩(Evelyn)、陳嘉寶(Anjaylia)、何思諺(Leanne)三位同門好姊妹經常聯袂出席大小場合,一年辛勞過後,三人決定在聖誕各自精采,她們早已向公司請假,計劃與最愛和好友共度浪漫佳節,還大出血買了很多聖誕禮物。

第二代邦民女陳嘉寶、陽光妹何思諺和蔡穎恩三位o靚模在今年接了不少工作,2010年對她們來說是大豐收一年,Anjaylia和Evelyn同樣是學生,兩人異口同聲說:「今年已經係第二年搵錢,好滿意收入,夠自己用又夠畀學費。」

請假陪男友

聖誕將至,她們辛勞過後,在今個佳節終於可以享受假期,Evelyn說:「聖誕係每年最期待嘅節日,意境好浪漫,又有禮物收,今年都花咗好多錢買禮物,尤其送畀身邊嘅重要朋友同家人,睇啱就買,都冇理價錢,聖誕難得向公司攞幾日假,會好好享受。」是否計劃與男友Mr.成員Tom共度,她甜絲絲說:「唔話你知。」
Anjaylia和Leanne早前分別到內地工作時遇上落雪,令Evelyn十分羨慕。Anjaylia表示打算約朋友到山頂聚會賀聖誕,她更自認慳妹說:「讀中五時一個月都使唔夠300蚊,但今個聖誕就要買禮物,破咗唔少財。」
Leanne今年是第一年投身社會工作,當全職模特兒,在三人中年紀最細,她說:「可能喺屋企我係大家姐,所以平時我哋三個相處都係我照顧佢哋多啲。」
採訪:卓寶花 攝影:林德雄
化妝:JohnathanofFineStyle、MeeganSeak
髮型:ZapofXenter、SunnyofHairCulture
服裝提供:MARCBYMARCJACOBS
場地提供:太古廣場

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載