› 選擇地區
三藩市
紐約
洛杉磯
其他美國地區
香港 台灣 北美
 
2011年01月21日

事業上軌 否認甩拖
王浩信、陳自瑤越拗越甜

王浩信演出多齣劇集後漸入屋,稍後將會扮演飛虎隊員。

王浩信去年尾於無綫台慶劇《刑警》中飾演Carson,又在最近《居家兵團》中飾演唐醫生,知名度大增,令他感到付出沒有白費。事業開始有起色,早前卻傳出他與陳自瑤分手,不過王浩信則謂兩人爭吵過後感情更佳。

歌手出身的王浩信近年轉型至主持及演出劇集,可算令觀眾刮目相看。去年尾於無綫頒獎禮上以劇集《刑警》中Carson一角角逐最佳男配角,雖然最後落敗,但對他來說已十分高興,他說:「因為入到圍都已經對自己有個交代,而且對手真係好強。基本上由我知道有份提名我已經開始慶祝,都已經贏咗,證明一年嘅努力係冇白費。」

無懼挑戰羅仲謙

對於自己能夠接拍該角色,他表示令其上了寶貴的一課,他說:「因為我哋成劇人都好團結,而且可以同三哥同華哥合作,真係學到好多嘢,連我阿媽知道我可以同佢哋拍劇都以我為榮。」
王浩信直言因劇集效應已有廣告商邀請他與胡定欣以情侶檔出席活動,令他可以搵真銀。但最令王浩信開心的是其人氣因該角色而上升,他說:「家有時喺街度都會有觀眾叫我劇集個名,同認得我,所以都好開心。」稍後王浩信將會夥拍羅仲謙參與無綫新劇,兩人將飾演飛虎隊員,面對「男版童顏巨乳」謙仔可會擔心被比下去時,他說:「唔怕,大家行嘅路線唔同,我為咗個角色,家都好勤力去健身,咁佢係比較大隻,我就比較鋼條型,所以大家都唔同類型!」

「一嘈就會好勁」

王浩信與陳自瑤已為一對公開的情侶,兩人已拍拖兩年多,早前有傳兩人分手,但王浩信坦言兩人感情十分穩定,只是間中少不免有爭拗,他說:「之前大家真係有爭執過,不過之後大家都攤開嚟講,咁反而仲好,家大家嘅感情比之前仲更加好,其實平時我哋都好少嘈交,所以一嘈就會嘈得好勁,最後大家都會用溝通去化解。」
採訪:王崇穎 攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載