› 選擇地區
三藩市
紐約
洛杉磯
其他美國地區
香港 台灣 北美
 
2011年01月23日

老孫新舊愛寃家路窄
楊秀惠避開Macy

楊秀惠昨日拒絕和陳美詩單獨合照,表現認真欠大方。

賀歲片《我愛HK開心萬歲》昨日在荃灣宣傳,一眾女藝員包括陳法拉、呂慧儀、楊秀惠和陳美詩(Macy)一同出席。孫耀威的過氣緋聞女友楊秀惠和現任女友Macy同場,之前兩人曾同場出現,當時還毫無芥蒂,但昨日當要求楊秀惠與Macy合照時,楊秀惠即說:「叫埋全部演員一齊影啦,今日係《我愛HK》嘅活動嘛。」擺明不想和Macy單獨合照,態度180度轉變。

「私下有講有笑」

提到孫耀威視Macy為結婚對象,可會恭喜她?楊秀惠直言:「其他嘢唔回應喇。」反而Macy表現大方,她說:「佢可能要做其他訪問,大家諗多咗,一場同事,仲合作拍《萬凰之王》拍得好開心,佢做一個好奸嘅妃子,我就做佢嘅宮女。」
劇情可有被楊秀惠刻薄?Macy說:「拍時個個都演得好乞人憎,但私下有講有笑,仲一齊食飯。雖然戲劇老師有話演戲要用真感情,但大家都係跟劇本做啫」。提到男友孫耀威希望結婚,Macy說:「我又冇收到呢個風喎,都係睇番男仔,媽咪就好心急,不過唔到我決定。」
採訪:藍文浩 攝影:葉君海

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載