蘋果日報 | APPLE DAILY
› 選擇地區
三藩市
紐約
洛杉磯
其他美國地區
2011年06月03日

收服花心男
陳美詩認定孫耀威等嫁

陳美詩和孫耀威拍拖後,坦言視男友為結婚對象。

陳美詩(Macy)自從與孫耀威公開拍拖後,有不少人都覺得她收服了花心男,Macy隨即為男友辯護,只是大家對他的誤解。Macy視老孫為可長遠發展對象,結婚與否交由上天安排。

陳美詩早前在無綫劇集《洪武三十二》中,飾演愛恨分明的蒙古女子薩仁高娃,最初誤以為陳鍵鋒是殺父仇人,誰知最後發覺他竟是父親的恩人,相處後發覺愛上他,最後更主動追求,即使知道對方太監的身份都沒有放棄,結果感動了陳鍵鋒,成為了他身邊的女人。
Macy笑稱現實生活不敢主動示愛,所以演薩仁高娃起來感覺很新鮮。談到遇到心儀對象時,Macy笑說:「好多時鍾意只係一個感覺,但係你唔知呢個人係咪啱你,所以我會先喺朋友角度去了解同認識呢個人,跟住先去肯定呢個人係咪可以長時間喺埋一齊,如果唔係太危險喇!」

「好多嘢都好夾」

問Macy是否與孫耀威的寫照?她甜絲絲地說:「係o架,我哋係喺團契度識,都識咗好耐喇,初初都冇諗過呢個問題,不過慢慢了解咗,覺得好多嘢都好夾,跟住咪產生愛情。」
自從與孫耀威公開拍拖後,不少人覺得Macy收服了花心男,她隨即為男友辯護,只是大家對他的誤解,她說:「唔係完全係我改變佢,呢幾年佢開始成長,畀人感覺穩重咗,冇咁o靚仔,可能又公開咗感情,冇咁多緋聞發生。始終你唔承認一個,梗係會有好多人猜測,呢個又傳吓、嗰個又傳吓,變咗咪畀人覺得唔定性。」

緋聞當宣傳

提到男友之前的緋聞,Macy說:「以我所知有好多只係佢啲朋友,我冇主動問,大家都係呢個圈嘅人,邊啲真邊啲假心裏有數,我哋都唔會問對方以前嘅,嗰啲新聞大家都知,咪當係宣傳。」至於會否視男友為結婚對象?她說:「係可以發展嘅長遠對象,結婚呢個問題要等上天安排,佢又要喺台灣出碟,工作比較忙,所以家以工作為主。」
採訪:何慧斯
攝影:葉君海
髮型:SunnyYuofHairCulture
場地提供:CaderoGrillandOysterBar(海港城)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載