蘋果日報 | APPLE DAILY
› 選擇地區
三藩市
紐約
洛杉磯
其他美國地區
2011年06月07日

馮仁昭四圍超:TVB群女拉票被宅男圍
CoverGirl:我哋冇咁高貴 - 馮仁昭

無綫香港小姐競選各項活動進行得如火如荼,佢哋旗下嘅《TVB周刊》又搞咗個CoverGirl選舉嚟湊熱鬧,噚日班參選女仔去咗旺角鬧市,拎住傳單拉票,一班龍友宅男收到風,準時喺街頭等候,不過無綫都早有準備,安排咗10幾個保安保護班女仔,但其實都唔使咁大陣仗,因為班CoverGirl只不過係咁意騷吓條腿,收埋晒事業線,上身全冇睇頭,仲要俾條候選帶遮住個心口,班龍友見到睇怕都好失望。

打底防走光

參賽者共有10個,但噚日淨係得9個出現,因為有個病咗,其中3號周嘉莉、5號陳婉婷、7號許詠媚同10號羅伊婷喺網上投票暫時領先,問佢哋會點拉票?周嘉莉話:「我已經上網呼籲咗朋友嚟呢度捧我場。」陳婉婷就話:「我會即時叫佢哋投我票同介紹自己。」講到喺鬧市做宣傳,怕唔怕俾人抽水?佢哋話唔擔心,因為無綫安排咗保安單對單保護佢哋喎!仲有嚟之前已經做足安全措施,唔會走光,但咁多人保護又點拉票?羅伊婷話:「我哋同港姐有啲唔同,冇咁高貴會親民啲,會同大家影合照同握手。」哈!咁即係話啲港姐高竇唔夠親民啦?

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載