蘋果日報 | APPLE DAILY
› 選擇地區
三藩市
紐約
洛杉磯
其他美國地區
2011年07月14日

余思敏提早剖腹
鄭中基一索得餅印女

恭喜!恭喜!現年39歲的鄭中基(Ronald)今年可謂雙喜臨門,做老襯之餘更做埋老竇,將於今年與女友余思敏(Sammie)拉埋天窗的他前日忽然從內地返港,原來預產期在本月底的Sammie已為Ronald誕下女嬰,B女更與老竇一個餅印。據知今次Sammie是剖腹產女,但Ronald不想妻女被騷擾,故保持低調,並於今日返北京工作。

鄭中基和31歲的女友余思敏拍拖年多,今年4月Sammie被爆未婚懷孕,預產期在本月底,直到上月Ronald才急急入紙申請排期結婚,給女友一個名份,兩人將於今年內完婚。

請假飛撲返香港

近日Ronald正在內地拍攝王晶執導的電影《嫁個100分男人》,前日他忽然向劇組請假回港,原來Ronald已提早榮升做爸爸,所以他飛撲回港。Sammie也順利為他剖腹誕下女嬰,並在港島區的醫院生產,由於Ronald不欲妻女被騷擾,所以事前刻意低調,僅至親才得知好消息,直到昨日他透過金牌發言人林小姐回應:「佢話多謝記者關心,Sammie同BB女一切安好,鄭中基話聽日(即今日)佢會繼續返北京工作。」
吳君如和黃柏高(Paco)昨日到澳門擔任皇室纖形的剪綵嘉賓,對於好友鄭中基榮升爸爸,君如說:「佢未正式通知我,噚晚已經聽到呢個消息,原本想sms恭喜佢,但係太忙唔記得,聽日會同佢去北京做嘢,到時會親自問佢,聽講個女好似佢。」

問君如坐月事宜

君如續說:「Ronald今次好緊張,之前已問我,我代言嘅奶粉得唔得,我話唔使擔心,我豪畀佢拎幾箱畀佢,佢又追問我請坐月個啲嘢,睇得出佢好緊張,不過係好事,證明佢大個仔,佢家有乜事都打畀我呢個家姐問。我會送奶粉同瘦身療程畀佢老婆,家見到啲靚嘅BB衫都會買定送畀佢。」Paco就讚Ronald已大個仔和成熟,之後會傳短訊和致電恭賀他,又計劃找Ronald和谷德昭再合作《龍咁威》第三集。
此外,Ronald的前妻蔡卓妍(阿Sa)跟鍾欣桐(阿嬌)早前到澳洲拍攝Twins寫真集及MV,每天只有幾小時睡覺時間,阿Sa說:「OK呀,其實也不是很累,而且每天的膳食都安排得好好,補番晒!」當她去到珊瑚沙洲時被水清沙幼的沙灘吸引,即慨嘆沒有準備泳衣。
採訪、攝影:譚倩宜

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載