› 選擇地區
三藩市
紐約
洛杉磯
其他美國地區
香港 台灣 北美
 
2011年07月21日

Jeana唧波殺退真空Carol
阿佘:我都有Kiss鏡頭

佘詩曼及方力申等主演的電影《人約離婚後》前晚在灣仔舉行首映禮,但女主角阿佘風頭不及兩位o靚模何佩瑜(Jeana)和楊梓瑤(Carol),Jeana勁谷不倒胸力戰同場的真空Carol,面對挑戰,阿佘就說自己在戲中都有大膽及kiss鏡頭,希望挽回聲威。

葉念琛執導、佘詩曼、方力申、何佩瑜及楊梓瑤、洪天明及金剛等演出的換妻話題作《人約離婚後》,前晚在灣仔會展舉行首映,雖然阿佘是女主角,但風頭卻被同場的o靚模Jeana和Carol盡蓋,幸而阿佘亦不敢鬆懈,以短裙上陣,大騷一雙玉腿迎戰。

Jeana胸圍打孖

擁34C上圍的Jeana前晚以不倒胸力戰上圍有32E以真空上陣的Carol,最終以連戴兩個胸圍谷胸谷到上頸的Jeana稍勝一籌,兩位o靚模在現場大方合照,當時Jeana的胸離奇地頂住身旁的Carol,但Carol卻坦言「feel唔到」:「頭先同佢有少少距離,我亦都唔敢望佢,好大殺氣。今日係畀面導演,冇話邊個贏,贏到葉導演歡心就夠。」

浩民暗示妻懷孕

被兩位o靚模夾攻的阿佘大讚o靚模一向搶鏡,但強調大家走不同路線:「佢哋要賣書,都啱,喺電影自己都有大膽同kiss鏡頭,希望票房好。」阿佘在現場見到Jeana的強勁上圍後,也不禁大讚說:「嘩!真係好勁!各花入各眼,各有各美態。」
對於舊愛陳浩民被傳奉子成婚,阿佘指不清楚,但已傳短訊恭賀他,亦戥他開心,阿佘說:「未送禮物,等佢請我飲先,我喺朋友相機見過佢太太張相,好襯。」另外,陳浩民因不甘老婆蔣麗莎被網民指拜金,並在網上留言力撐愛妻,卻不慎暗示太太已懷孕:「你們這些人就可以義無反顧去傷害一個人嗎?一人做事一人當,禍不及妻兒。」
採訪:溫敏芝 攝影:陳俊強

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載