› 選擇地區
三藩市
紐約
洛杉磯
其他美國地區
香港 台灣 北美
 
2011年07月26日

四仔擁躉轉捧功夫熊貓
谷德昭戲院嗒熟女

谷德昭(肥谷)跟模特兒出身的女友林子萱拍拖九年,雖已是公開的秘密,但肥谷多年來一直不肯公開承認女友身份。上周六,記者發現肥谷背住女友林子萱覓食,偕一貌似蓋鳴暉的長髮熟女行街睇戲,06年肥谷被本報踢爆他到灣仔買老翻鹹碟,日前他竟一改口味轉捧《功夫熊貓2》,之後他與熟女匿埋街邊煲煙兼如黐頭芒般咬耳仔。對於肥谷跟熟女約會,林子萱昨日驚訝說:「係咩?我唔知喎。」她揚言等住睇相關新聞報道,看來肥谷今次水洗都唔清!

甚有女人緣的谷德昭02年11月被本報踢爆跟林子萱拍拖,不過肥谷跟林子萱拍拖九年以來,不但未肯公開承認女友身份,更不時被傳媒發現跟其他異性約會,似乎不想為一棵樹放棄整個森林。如上周六(23日),記者又再發現肥谷撇下女友林子萱跟異性密會睇戲。

拍拖買清酒煲煙

上周六晚9時許,肥谷偕一長髮熟女現身中環ifc,熟女身穿綠色低胸連身裙,打扮和樣子皆十分成熟,樣貌跟蓋鳴暉有幾分相似。二人先走進city'super買酒,肥谷左揀右揀又問店員意見,最後揀了一大支日本清酒離開。
買完酒後,肥谷與熟女煙癮大發,於是急步走到街外暗角位置煲煙吹水,肥谷更手舞足蹈狀甚興奮講足五分鐘。原以為肥谷與熟女買清酒準備開party,但二人煲煙後卻走上ifc戲院睇《功夫熊貓2》。

喁喁細語齊登車

睇完戲後,肥谷跟熟女於晚上11時40分離開戲院,二人有講有笑,似乎在談論劇情。之後二人走到正門等候司機駕駛肥谷的七人車前來接載,肥谷又再發揮吹水佬本色,跟熟女不停咬耳仔傾偈,更越靠越埋,驟眼看去,猶如肥谷輕吻熟女額頭一般。約數分鐘後,七人車抵達,二人上車絕塵而去。猶記得06年肥谷被本報踢爆他到灣仔買老翻鹹碟時,也有揀選熟女人妻系列,大前晚他又偕熟女睇戲,看來他對熟女確是情有獨鍾。
前日記者致電肥谷,問到他大前晚跟長髮熟女約會一事時,肥谷反問:「喺邊度呀?」當記者指在ifc時,肥谷竟辯稱:「我哋幾條友o架喎!」但記者指目睹只有他與熟女二人而已,問會否擔心女友林子萱誤會呷醋?他說:「冇乜嘢,咪同朋友囉!係囉,冇嘢!」月前林子萱出席活動時,透露正準備考瑜伽導師牌轉行教瑜伽,問肥谷是否支持時,他說:「我自己私人嘢冇乜講o架噃,唔好意思。」

女友驚訝:唔知

記者昨日致電林子萱,對於肥谷大前晚偕長髮熟女行街睇戲,林子萱顯得十分驚訝說:「係咩?我唔知喎!咁我等睇雜誌啦。」究竟現時是否仍然跟肥谷是情侶關係?林子萱說:「我家唔喺香港,返嚟先再講啦。」說罷匆匆掛線,看來肥谷今次有排向女友解畫。此外,肥谷大前晚欣賞的《功夫熊貓2》,至前日為止在香港上映4日票房高達1,300萬,成績相當不俗。 
採訪、攝影:
楊浩賢、朱志聰

話你知:掃鹹碟揀人妻系列

谷德昭對熟女可謂情有獨鍾,06年他被本報記者發現到灣仔188商場狂掃AV,當中便有熟女人妻系列。事緣當日他鬼祟闖進老翻鹹碟專賣店,向店員了解新貨後,隨手挑了九隻AV,當中包括貌似Stephy的吉澤明步、吉田香織、北原多香子和立花里子等身材豐滿女優,還夾雜了熟女人妻系列,可謂口味繁多,事後肥谷還死撐買AV全因要為電影《心想事成》度橋。

有情歲月:曾戀才女黃丹儀

現年45歲的谷德昭,感情事一直非常低調,他早年曾與音樂才女黃丹儀拍拖,可惜相戀八年終告分手收場,黃丹儀06年聖誕節與肥谷好友陳輝虹閃電結婚,肥谷也有到賀。肥谷02年戀上歌手林子萱,兩人經常被拍到約會及打羽毛球,戀情早已是公開的秘密,但兩人始終不肯承認戀人關係。今年4月,本報又拍到肥谷與林子萱到上環中菜館撐枱腳。他也曾跟郭羨妮和葉璇傳緋聞,不過最終不了了之。

話你知:諧星愛夜蒲獵艷

跟肥谷老友鬼鬼的幾位諧星如張達明和鄭中基,早年經常相約蒲吧,憑搞笑才華,在夜場獵女無往而不利。家有嬌妻的張達明,早前被拍到與有線前CatGirl黃美妍(May)玩到攬頭攬頸。至於剛為人父的鄭中基,就算與蔡卓妍結婚後依然愛夜蒲,更曾與楊愛瑾(Miki)蒲吧斷正,不過他在認識女友余思敏後開始修心養性。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載