› 選擇地區
三藩市
紐約
洛杉磯
其他美國地區
香港 台灣 北美
 
2011年08月30日

馮仁昭四圍超:掟6億搞免費電視
王維基銀彈撬無綫猛將 - 馮仁昭

王維基會搞免費電視,聽講會出重金撬無綫啲要員。 資料圖片

有「電訊魔童」之稱嘅城市電訊創辦人兼主席王維基,喺08年上任亞視CEO後原本話要搞個翻天覆地嘅改革,點知佢只係上任咗12日就退下火線。不過呢小小衝擊又點會打沉魔童嘅決心,日前王維基高調宣佈,喺未來10年將進軍娛樂事業,仲會豪掟6億喺無綫隔籬發展多媒體創作中心。
聽講個創作中心同王維基申請緊嘅免費電視牌照有一定關係,佢仲會製作自家電視,馮仁昭聽聞魔童親自向無綫嘅金牌監製招手,實行以銀彈力邀過檔,當中包括金牌監製李添勝、《學警》系列嘅黃偉聲、《烈火》系列嘅王心慰,仲有梅小青同劉家豪都係佢嘅招攬對象。

添哥認有見面

馮仁昭日前向添哥李添勝求證呢件事,佢聽完咿咿哦哦一輪先話:「冇嘢喎,佢有託朋友搵我見過面,食過一次飯就冇再見喇!」問王維基係咪斟佢過檔?添哥話:「佢搵我梗係做嘢喇,但我推咗佢喇,我仲有年幾約,約滿嗰陣都65歲,會退休唔做。」係咪銀彈攻勢打動唔到添哥?佢話:「唔關事,唔係人哋出唔起錢,只係自己冇本事攞啫。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載