蘋果日報 | APPLE DAILY
› 選擇地區
三藩市
紐約
洛杉磯
其他美國地區
2011年09月16日
馬上成為壹會員

Jeana裸戰陳柏宇谷爆男友

Jeana(何佩瑜)於電影《喜愛夜蒲》再與Phoebe鬥個你死我活,Jeana更有大膽演出,真空上陣與陳柏宇演床戲,首次擔重角色的她表示接拍時已決定豁出去,拍攝期間更因過份性感而與男友經常爭執更一度冷戰。

近期與Phoebe鬥個你死我活的Jeana,在電影《喜愛夜蒲》中再次互撼鬥性感,戲中Jeana飾演本來從未蒲過,但一蒲成精的角色,更與陳柏宇(Jason)大膽床戰,她說:「今次都算入行以嚟最大膽尺度,因為我有場床戲真空上陣,只係用手遮住胸部,拍之前都好緊張,我同Jason都有事先溝通,大家仲飲咗少少酒,希望可以投入啲!」由於該片主要圍繞年輕人的夜生活,故Jeana接拍時已豁出去:「成套戲都係好寫實嘅夜生活,而且自己戲份都好重,所以都有晒心理準備。」

「眼中都冇對手」

Jeana表示戲中雖然有宿敵Phoebe,但自己戲份比Phoebe重很多,對於兩人經常隔空互寸,她說:「書展係一個比賽,成件事已經完咗,眼中都冇對手,因為大家已經注意到我,所以我會放多少少時間喺工作上,喺呢個位下工夫係最重要!」
戲中Jeana大賣性感演蒲精,她表示早兩三年前屬夜蒲一族,她說:「試過最驚係有次出去玩飲到好醉,最後斷晒片,醒返就喺自己張床上面,好彩當時有男朋友在場,之後問返佢自己到底做過乜嘢,佢話我飲醉之後不停錫佢,好彩係錫男友,所以今次嘅演出好易掌握。」

「唔會set條底線」

Jeana表示希望可拍多些電影,問到會否接受三點盡露時,她說:「哇!都係要睇劇本先,咁我又唔會為自己set條底線,所以將來事冇人知。」但她表示因性感演出與男友經常爭吵,拍《喜愛夜蒲》期間更一度冷戰,她說:「佢唔鍾意我太性感,咁我份人又好任性,呢樣係我嘅事業,如果我唔做佢亦幫唔到我做,曾經一度冷戰冇嘢講,後嚟先接受。」
採訪:王崇穎
攝影:仇志德
髮型:Danielofchin.G
服裝:Guess

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載