› 選擇地區
三藩市
紐約
洛杉磯
其他美國地區
香港 台灣 北美
 
2011年09月24日

不倒胸Jeana
硬砌DaDa

由模何佩瑜(Jeana)、許穎(Phoebe)和陳靜(DaDa)等主演的電影《喜愛夜蒲》,前晚舉行慶功宴,不過Phoebe寧願到中環打碟也不出席慶功。DaDa和Jeana同場,軟硬立見,Jeana則死撐謂自己筋骨較硬而已。

上周四上映的電影《喜愛夜蒲》由模何佩瑜、許穎和陳靜等孭飛,截至前日有近553萬元票房,導演錢國偉和眾演員前晚在尖沙嘴再搞慶功宴。Jeana和DaDa性感撐場,反而死敵Phoebe寧到中環打碟搵真銀也不支持慶功宴,似乎擔心被搶風頭。

Jeana批死敵衣着

前晚慶功宴上,DaDa和Jeana都大騷事業線,尤其DaDa最有看頭,兩人拍在一起更軟硬立見,Jeana死撐說:「我好少做拉筋,啲筋硬啲,我骨感重,自己唔想露前,好悶,今日清純啲,只戴nudebra,冇貼乳貼。」Jeana就大方讚DaDa的事業線很靚,又指她擺明事業心重。
提到死敵Phoebe沒出席,Jeana繼上次寸爆Phoebe衣着令人倒胃後,前晚又寸嘴說:「幫佢食埋,唔會去撐佢,費事睇到啲唔應該睇到嘅嘢,唔好胃口,佢衣着打扮都toomuch、toohot。」
至於34DPhoebe前晚收起性感到中環打碟,她自爆大會不允許她太性感,但愛搶鏡的她訪問時改穿背心,又有意無意露出粉紅色內褲。她自言因為一早接了工作,故缺席慶功宴,並說:「費事人哋見到我食唔落,影響人食慾同胃口,我真材實料冇法啦。」

Phoebe猛辣火頭

Phoebe又自動波撩起是非,先後暗寸DaDa和胡心諾,又說:「之前睇到報道,有人話唔知搵邊個師傅學打碟,唔想同佢宣傳,唔講係邊個,好九唔搭八,打碟自己打,同邊個師傅打有乜關係,葉問咁多徒弟都係得個李小龍。我又聽到有人話打碟六位數字,據我所知世界殿堂級都係五位數歐元,唔知係唔係日圓,佢可能覺得媲美世界殿堂級。」
採訪、攝影:王崇穎、溫敏芝

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載