› 選擇地區
三藩市
紐約
洛杉磯
其他美國地區
香港 台灣 北美
 
2011年10月09日

曹敏莉百變B女大個選美

03年港姐冠軍曹敏莉(Mandy)去年下嫁金融才俊張家傑,今年7月即產女,她很享受連升兩級的幸福生活。選美出身的Mandy不反對囡囡步她後塵,踏選美台。

曹敏莉的囡囡張逸晴已3個月大,精靈活潑,Mandy昨早更與老公張家傑帶Dora和兩隻愛犬到樓下公園散步。

囡囡愛玩水

Mandy婚前視兩隻愛犬如子女,但自從升呢做了媽咪,當然將寶貝女Dora排第一,但也不會分薄對兩隻貴婦狗的愛,Mandy昨在電話說:「有咗多多(Dora暱稱),乜嘢都佢行先,我畀晒所有時間照顧囡囡,好彩佢爛瞓,佢瞓咗我就有少少時間,我可以處理吓自己嘅嘢,又可以同兩隻狗玩吓,等佢哋唔好以為我偏心。」
Dora輪廓分明,長得跟媽咪一樣,Dora最愛笑,尤其張開小嘴大笑時的樣子就令雙親最開心,經過一輪特訓,Mandy已變為熟手媽咪,她說:「家餵奶、換片到冲凉,我都可以做到。最初我覺得同BB冲凉最難,同佢搽咗肥皂,佢滑嘟嘟好難捉實,好彩佢爛瞓,全程都瞓着任我舞,直至冲完都唔知發生乜事,練習得多,我就熟晒手。」Mandy說Dora愛玩水,冲凉更會用腳踢水。Dora已15磅重,看到女兒吃人奶吸收力強,Mandy說:「佢都算巨size,但我唔想佢太高,做媽咪就係咁,BB太肥太瘦都令人擔心。」

乘勢再造人

Mandy直言老公希望與她再乘勢造人,但看到太太湊女分身乏術,正考慮把追仔計劃暫延,Mandy:「多多大得好快,我好唔捨得。」Mandy表示將來女大女世界,或會提名囡囡選港姐:「唔會鼓勵,等佢大啲先。」
採訪:比華利

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載