› 選擇地區
三藩市
紐約
洛杉磯
其他美國地區
香港 台灣 北美
 
2011年10月15日

嘉欣教仔家規
老爺奶奶莫敢不從

李嘉欣前晚到圓方出席遊艇展覽,她表示兒子Jayden很愛游水,故會與老公許晉亨商量是否買一艘遊艇,方便一家出海。嘉欣指自己在家擔當壞人角色,因不想兒子變港童,並說老公與老爺奶奶都聽她話。

李嘉欣前晚於圓方出席「AquarivabyGucci」活動,她在場欣賞遊艇展覽,問她會否考慮買遊艇送給現時8個多月大的兒子Jayden?她說:「佢好鍾意水,可以返去同老公商量吓,我都有帶佢出海同去泳池。不過天氣開始凉,唔夠膽再帶佢去,如果肺炎就搵自己嚟搞。」

「佢個仔都要聽我」

再問嘉欣若買遊艇,會否以兒子名字命名?她強調不會寵壞兒子:「唔會縱佢,我覺得呢個重任交咗喺我手。我其實唔想做壞人,不過我老公已經畀佢融化咗,要佢做一個嚴父我已經冇乜希望。」
嘉欣又指十分介意小朋友被寵壞,更保證不會讓兒子變成港童,並透露已定下一些規則要家人及家傭遵守,她表示:「BB家扭計,我唔准佢喊兩聲大家就遷就晒佢。」記者問其老爺奶奶會否依從她指示?嘉欣說:「當然一定聽我規矩啦,佢個仔都要聽我講,冇理由個孫唔聽我講。」

唔信黎明鬧婚變

另外,提到黎明婚變一事,嘉欣表示有留意報道,但不會相信,她說:「傳聞成日都有,睇咗就算,我對99%新聞都有保留,唔係好信。」嘉欣又透露,幾個月前與黎明見面時,樂基兒都在場,她續說:「我哋見面時都會見到對方另一半,上次都見到佢另一半,一切好正常。」
採訪:李珮洳
攝影:陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載