蘋果日報 | APPLE DAILY
› 選擇地區
三藩市
紐約
洛杉磯
其他美國地區
2011年11月30日
馬上成為壹會員

黃金視窗:馬賽飛躍之星感動雙親

對於獲父母認同,馬賽感到非常開心,亦對奪飛躍進步女藝員獎頗有信心。

【萬千星輝頒獎典禮2011】從港姐轉為藝人的馬賽,今年憑多套劇集獲提名台慶頒獎禮的最佳女配角兼飛躍進步女藝員,她笑稱自己是個勤力讀書的人,都希望有回報,但最開心的莫過於得到父母支持,更獲父母與朋友認定,在他們的心目中,已經是飛躍進步。 撰文:何慧斯

於08年成為香港小姐季軍的馬賽,入行3年先後參與不少劇集的演出,今年憑《九江十二坊》獲提名最佳女配角兼飛躍進步女藝員。馬賽早前在尖沙嘴接受訪問,談到得獎的信心,她表示:「我一定唔會有女配角獎,反而會睇好陳敏之同胡定欣,但係我有份提名已經好意外同好開心。」馬賽續說:「我自己反而對飛躍進步女藝員呢個獎信心大啲,我覺得自己呢兩年拍劇有好大嘅進步,叫盡咗最大嘅努力,但睇表現仲係有進步嘅空間。」

希望有回報

能否得獎目前仍是未知之數,不過最令馬賽覺得開心的,相信是她的父母由最初不看好變作現時的支持,她說:「屋企人嘅支持好重要,我好細個已經想做演員,我一直都好鍾意表演,但父母覺得我冇呢種天賦才華,又覺得我個樣同身形唔適合,做戲又唔睇好。佢哋睇完之前嘅《女王辦公室》同《洪武三十二》,仲對我係咪啱做演員冇乜太大信心。」
馬賽又說:「直到最近推出嗰幾套戲,終於俾佢哋見到我嘅努力,今次提名真係俾父母一個好大嘅定心丸。佢哋同我講,喺佢哋同埋朋友心目中,我已經有好大嘅飛躍進步,聽完之後真係好開心。
提到今次獲提名,馬賽說:「有提名已經係好大認同,做唔到A+,就算做到A-都好,我已經好努力去做好我自己工作嗰部份,好多人都俾咗好大信心我,不過我會用平常心去等待結果,我唔想俾壓力自己,我會覺得太緊張同太在意成績,會令自己唔開心,當然我都係一個勤力讀書嘅人,都希望有回報。」她更笑稱:「我爹哋喺月尾生日,本來我已經做咗條短片送俾佢,佢話好多謝我嘅禮物,但佢話如果見到我攞獎會更加開心。」

汪明荃點化

到底入行的日子尚淺,馬賽不諱言仍然要努力學習,她說:「家叫拍咗6部戲,我覺得自己做戲嘅狀態越嚟越好,我每次拍戲都會自己反省,問吓導演同前輩嘅意見,又會用簿寫低,再綜合問題喺邊度出現。」
馬賽更直言多得阿姐汪明荃的一番話,令她更加要努力,她說:「嗰陣拍《女王辦公室》我演戲經驗唔係好多,感覺係好似就算用心做都唔夠,就算你好想去做好,但唔識點先叫做到,阿姐就叫我好好諗吓係咪想做呢行,如果想玩當然冇所謂,但呢行嘅競爭好激烈,如果打算長做落去,要努力行快啲,嗰陣對我嚟講,係好好嘅鼓勵。」
攝影:仇志德
場地提供:TheONE

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載