› 選擇地區
三藩市
紐約
洛杉磯
其他美國地區
香港 台灣 北美
 
2011年12月08日

馮仁昭四圍超:
細仔未婚搞出人命 志偉風騷等抱孫 - 馮仁昭

左起︰曾寶儀、曾志偉、囝囝國猶及國祥曾結伴出席活動。資料圖片

曾志偉噚日出席邵氏新戲《2012我愛香港喜上加囍》喺將軍澳電視城舉行嘅宣傳活動,導演錢國偉、演員毛舜筠、苟芸慧都有到場。今次套戲個名就襯晒志偉目前嘅心情,真係喜上加喜,因為有讀者報料話佢嗰位任職網上娛樂平台Watt做CEO嘅細仔曾國猶(Mark)就快做老竇,佢女朋友ReneeCe已經有咗3個月身己,即係話志偉出年就會榮升阿爺。

拍攝遇阻滯

事實上馮仁昭噚日見佢又幾風騷,之前有傳過話今次何韻詩係執楊千嬅二攤演出,但佢話執二攤嘅係自己,佢笑住口咁話:「一早就安排咗阿詩,反而我同毛舜筠嘅角色原本想搵千嬅同黃子華做,不過後來可能套戲動作多千嬅推咗,連客串都冇時間。」志偉話暫時未有時間恭喜千嬅,因為套戲暫時嘅拍攝都唔係太順利,加上要趕喺12月中前完成送檢,所以呢排都不停趕戲。講到吳卓羲位女朋友張馨予都有份演出,志偉話佢嘅戲份都唔少,不過今日佢喺北京工作所以落唔到嚟宣傳,志偉仲好抵死咁話:「佢落嚟做嘢我哋當然會安排酒店畀佢,不過佢返唔返去瞓就唔知。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載