› 選擇地區
三藩市
紐約
洛杉磯
其他美國地區
香港 台灣 北美
 
2011年12月08日

傳撻着林子祥兒子
Kary激走周柏豪

Kary前晚露膊性感亮相,可惜緋聞男友周柏豪卻避開合照。

吳雨霏(Kary)今年情人節被目睹和周柏豪約會斷正,繼而傳出緋聞,近日Kary跟同公司的林子祥兒子林德信拍MV被傳撻着,更被拍到在林德信家過夜。前晚Kary和柏豪同場出現,柏豪避開拒跟Kary合照,似乎大呷乾醋。

緋聞情侶周柏豪和吳雨霏(Kary)前晚到銅鑼灣出席時裝活動,不過現場見柏豪表現相當避忌,當記者叫他和Kary合照,柏豪即借勢速逃,有欠大方,不知是否因Kary近日和林子祥兒子林德信合作拍MV《我本人》被傳撻着有關?

讚人品幾好

Kary早前被拍到夜訪林德信家,還指她在林德信家過夜,關係非淺。問Kary是否和林德信撻着?Kary連聲否認:「唔係拍拖,係唱片公司叫我哋夾一首歌,佢幫我彈結他,其實當晚有其他人喺佢屋企。」有指Kary被記者撞破時表現鬼祟,她聞言不自覺爆出一句:「我已經好小心。」對於有人質疑兩人同公司似是搞緋聞宣傳,Kary強調沒有。記者重提當日Kary曾大讚林德信,她聞言即死撐:「我有咁講過?不過佢真係幾好,但唔會發展,我哋識咗年幾,只係朋友。」

否認有騰雞

問到林德信是否追求自己?Kary表示沒有,她也不知道林德信是否有女朋友,Kary再重申自己並非報道中騰雞,相反她表現冷靜,反而是記者甫見她出現很緊張,她還叮囑記者要小心。
此外,柏豪之前到中環出席另一個活動時,表示年輕時曾申請臨時電單車牌,但最後炒車收場,他說:「好彩冇人追究,自己都冇受傷,但就唔敢再接觸電單車,細佬想學,媽咪就話等佢死咗先考。其實自己都心郁郁想考,但又貪靚怕整亂個頭,而且有乜事就養唔到家,家車同樓都係我供。」
採訪、攝影:黃曉妍、溫敏芝

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載