› 選擇地區
三藩市
紐約
洛杉磯
其他美國地區
香港 台灣 北美
 
2011年12月08日

超儀、超盈拖手言和

賭王何鴻燊四房人早前爭產,一度互相對立,幸好事件已經平息,但難免傷和氣。前晚二房的何超儀及四房的何超盈一同出席時裝活動,兩人見面在鏡頭前更拖手合照咬耳仔,甚至還即場交換電話號碼,全無芥蒂。

何超儀和何超盈前晚悉心打扮,出席時裝店Germain的開幕禮,記者即場要兩姊妹一同合照,她們一口答應表現大方,超儀和超盈在鏡頭前手拖手,感情似很要好,兩人又咬耳仔,接着還交換電話號碼,表現一家親。
問到會否介意跟超盈同場?超儀表示:「我幾鍾意佢,欣賞佢嘅style,真係幾有型,但係我其實係冇佢電話號碼。」另外提到賭王老竇何鴻燊早前抱恙入院,問到超儀有否探望他?她表示近日忙於綵排舞台劇,未有時間,不過她知道老父很精神。至於超盈亦異口同聲大讚超儀,向她大送高帽:「佢真係好有型,係我偶像,有機會我想同佢交流心得,平時我都支持佢嘅音樂、電影同舞台劇。」

生仔睇能力

近日娛圈一片大肚熱,問超儀和老公陳子聰有否計劃趕生龍B?她笑說:「睇佢表現,算係想有suprise,我哋婚後一直都不設防,所以一切都係睇佢能力。」
另外黎明和樂基兒傳造人成功,黎明旗下的JaniceMan被問到有否恭喜老闆?她說:「係咪真先,不過我唔會八卦,況且如果係真嘅都唔可以收藏得幾耐。」至於早前JM宣佈和男友分手,今年豈非要過一個孤獨的聖誕節?她笑言:「我唔介意你(指記者)陪我過。」JM又表示會買禮物送朋友,但不會刻意預前男友一份,不過她強調雙方仍是好朋友。
採訪:黃曉妍 攝影:陳志嵐

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載