› 選擇地區
三藩市
紐約
洛杉磯
其他美國地區
香港 台灣 北美
 
2011年12月08日

穿皮製比堅尼行善
熊黛林幻變水墨桃

熊黛林的黑墨滴下造型,誘人火辣。黑白圖片

名模熊黛林(Lynn)、Angelababy和琦琦之前破格上陣,為台灣慈善影展拍攝。琦琦名模生涯中,首次穿上牛皮紙製晚裝,挑戰硬度;Lynn性感川久保玲皮製比基尼,特效加工成滴黑油火辣女郎,Baby則假髮纏身,變身另類天使。

台灣著名攝影師陳孫華策劃的「大人物」慈善影展,請來港台女星如蔡依林等拍攝,香港名模熊黛林、Angelababy和琦琦也參與攝影展,為幫助台灣青少年圓夢盡一分力。

最愛條眉夠粗

三個名模之前在香港影樓同日拍攝,Lynn的好身材引發攝影師以「墨色」為靈感。Lynn穿上CommedesGarcons皮製比堅尼,相片再進行後期熔解感的3D加工,讓Lynn變成被淋黑油的感覺,非常誘惑,她說:「一啲都唔尷尬,因為全部都係女仔,係好熟嘅合作夥伴,同埋今次着短褲,最特別係個妝,條眉好黑好粗好man,感覺fashion啲,攝影師都係任得我自由發揮擺甫士。」
Baby的造型,原來全身由金色假髮纏繞而成,再在背後投射光線,感覺夢幻中有點深沉,經理人Kim昨日表示:「Baby嗰個concept係當佢係一個angel,但Baby嘅靚相影過好多,所以想係另類angle方向。」
Kim續說:「呢個毛毛包住嘅造型,都有啲火花,效果大家都好滿意。」

紙裙即黏即着

琦琦的裙子原來由牛皮紙做成,在影樓即場組合黏貼,琦琦大呼有新鮮感:「真係第一次着紙做嘅衫,雖然唔舒服,但幾好玩,同埋傳遞環保意念。」她透露穿上紙裙相當費時:「條裙完全冇彈性,啲牛皮紙好硬,但又唔可以搽lotion,更加唔可以濕到水,擺甫士都要好小心,不過着完之後,除番出嚟,件衫係成件企番喺度,好好笑。」
採訪:林妙萍

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載