› 選擇地區
三藩市
紐約
洛杉磯
其他美國地區
香港 台灣 北美
 
2012年01月09日

18年回憶難捨六嬸
志雲出發赴美淡出TVB

無綫總經理陳志雲上個月以遊學為由,宣佈離開效力十八年的無綫,前晚他出發往美國,契仔和無綫外事部副總監曾醒明都有送行,問他有否不捨得方逸華?志雲說﹕「十八年回憶,點都有啲不捨感覺。」

陳志雲前晚11點多現身機場,乘搭國泰航機直飛美國,現場有十多名記者等候,無綫外事部副總監曾醒明和契仔去到送行。志雲神情輕鬆臉帶笑容,他表示心情好興奮,但未定歸期,他說﹕「好想快啲去睇新嘢,會訪問同參觀人哋嘅機構,仲會去大型電子商品展見識吓,互相交流同研討,如果安排多會留耐啲,但都希望農曆新年前回港。」他自譏去看新科技,卻只帶手寫記事簿同行,十分好笑。

預半年去三地

志雲透露現階段仍與公司商討正式離職日期,現在只是扣假遊學,他說﹕「公司好支持我去學習,畀我逐步休假,有需要參觀時就走。」他計劃下一步會去北京、德國、台灣,希望三個月至半年可以完成,問到之後會否開公司或出書?他說﹕「十八年真係有好多回憶,但未有計劃出書,開公司都唔敢諗,怕會分心。」

開始食飯餞行

離開效力十八年的無綫,心情難免有點忐忑,問到有否不捨得一直效忠的方逸華?志雲說﹕「好多同事喺度,有十八年回憶,點都有啲不捨感覺,但又唔係離開咗以後唔再見面,唔好講到生離死別咁。」還會否返公司執物件?他說﹕「執完仲發現有五、六箱嘢未攞,其實我對物件唔係太依戀,但都會攞番啲私人嘢。」
問到會否保留員工證留念?志雲說﹕「要畀番公司,最多影copy,但平時好少用,只用密碼卡。」他表示部份同事已與他食飯餞行,入閘前也逐一與送行人士影合照及揮手道別。
採訪:何慧斯 攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載