› 選擇地區
三藩市
紐約
洛杉磯
其他美國地區
香港 台灣 北美
 
2012年01月09日

「佢哋玩得好開心」
法拉證諸葛冇小產

是非不絕的諸葛紫岐(Marie)將於3月與Neway太子爺薛嘉麟擺喜酒,Marie早前默認懷有龍B,但日前傳出她不幸小產,又於微博表達傷痛的心情,不過Marie一直沒回應。昨日陳法拉出席活動時,表示也替Marie擔心,特此向男友、即Marie男友薛嘉麟胞兄薛世恒求證,薛世恒謂薛嘉麟表示沒有特別事情發生,否認Marie小產,令事情更撲朔迷離。

陳法拉、徐淑敏(Suki)和倪晨曦等昨日到將軍澳東港城,出席新春花展會活動。法拉指希望增磅,問是否養肥自己趕生龍B?她說:「咁要再肥啲至得,之前瘦咗十磅,已經肥番五磅,希望今年身體好啲。」

日內返港

農曆新年法拉會與男友薛世恒到外地過節,問她不用向奶奶拜年,她說:「都會提早拜年,想旅行休息半個月,等身體好啲。最近成日失眠,家塊面神經冇之前咁麻痺,冇再成日痛。」
問到奶奶可有煲湯給她補身,法拉說:「我冇收過呢啲,我咁後生。」言語間不禁踩諸葛紫岐年紀比她大。
有傳諸葛紫岐與薛嘉麟在聖誕後到夏威夷旅行時,不幸小產,法拉說:「今日有睇新聞,有少少擔心,我有問Daniel(薛世恒)問候佢哋,知佢哋係放緊假玩得好開心,Daniel話佢哋冇乜特別事發生。」有冇小產?她說:「冇呀。」那Marie是否真的陀龍B?法拉說:「私人事唔知,只知道佢哋兩日內返。」

Suki追蛇仔

同場育有兩女的Suki表示會繼續追仔,她自信地說:「下次應該係仔,相士話我會生蛇BB,我想完成我嘅使命。」Suki又透露丈夫較偏心大女,她說:「我都有問老公點解,佢話大女同佢溝通到,我都錫細女,補番數。」
此外,關心妍昨早在大球場出席百萬行,問她有否留意老闆薛嘉麟的女友Marie被指流產,關心妍說:「睇新聞知,但唔知佢係咪有咗,我只知佢唔喺香港,但會為佢祈禱。」
採訪:盧妹、魯萍
攝影:仇志德、黃偉雄

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載