› 選擇地區
三藩市
紐約
洛杉磯
其他美國地區
香港 台灣 北美
 
2012年03月01日

馮仁昭四圍超:林峯、官恩娜喪跑鬥傷 - 馮仁昭

雖然林峯同官恩娜都有傷喺身,但兩人都唔錫身咁喪跑。

苗僑偉(三哥)、林峯、黃智賢同官恩娜(Ella),噚日喺油塘為無綫劇集《雷霆掃毒》拍場開槍戲,三哥話呢套劇好多動作戲,又要跑樓梯又上又落,成套劇都好落本拍㗎,佢話:「今日都跑咗成朝,好彩事前都做好熱身,阿峯同Ella就慘囉,兩個受傷都要跑。」Ella話可能事前做唔夠熱身所以拉傷大髀肌肉,好彩阿峯都有介紹醫生叫佢睇。Ella話唔怕同阿峯合作而傳緋聞,咁又係,話晒阿峯同吳卓羲係兄弟相稱,又點敢媾兄弟嘅前度吖!

望捧影帝獎

林峯之前整親坐骨神經一直都未好番,噚日又拍動作戲所以都話痛痛地,講到英皇捧鄭嘉穎坐佢個位,佢話:「我幫佢坐暖咗㗎喇,而且我成日都四圍飛,大家好多年冇合作過,都想有機會合唱。」即係想同嘉穎換位做視帝喇?林峯話:「我都希望有日可以加入視帝行列!不過我向來唔係好睇重獎項!」
另外,黃日華轉投王維基,三哥就話對方都有搵過佢,不過自己同TVB仲有好長合約,問到佢知唔知黃日華係咪喺TVB好唔開心,三哥話:「佢係想轉吓環境,而且佢哋又可以畀到可觀嘅數字,仲可以上唔同電視台。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載