› 選擇地區
三藩市
紐約
洛杉磯
其他美國地區
香港 台灣 北美
 
2012年03月01日

前度結模新歡
JM:我難搵啱嘅對象

JaniceMan以粉彩色短裙上陣,青春可人,沒受前度男友拖新女報道影響。

JaniceMan之前和肥仔男友李冠峰甩拖,舊愛近日被發現搭上模組合Donut成員劉瑋欣,JM昨日出席活動,大方祝福前度,更表示兩人之間沒有小三,只是想法、理念不一而分開。單身不用為男友煩,JM坦言正好趁機寄情工作。

文詠珊(JaniceMan)、MandyLieu、江若琳和蔡穎恩等,昨日在尖沙嘴出席日本少女品牌Rosebullet春夏裝活動,眾女郎穿上一系列pastelcolor新裝,青春亮麗。

「分開就唔想講」

JaniceMan前男友李冠峰近期搭上Donut成員劉瑋欣,JM聽到舊愛新戀情即說:「都過咗去,分開就唔想再講,佢開心就OK。」她表示不認識女方,有傳女方是第三者,問到可是兩人分手導火線?JM說:「分開嘅嘢太personal,冇小三呢回事,我都唔知佢(指劉瑋欣)係邊個。只係大家有共識唔喺埋一齊,係兩個人嘅諗法、style出現分岐,家都分開咗,唔好再問。」
問可想快點拍拖?JM說:「我想隨緣囉,我比較難搵到啱嘅對象,大家都有自己生活,我都好忙,又要返內地,都想focus喺工作。」寄情工作?她說:「我一向都寄情工作,咁家係更好嘅timing去做嘢囉。」

江若琳做媽咪

江若琳由內地回港發展,近日無綫重播她出道的《學警狙擊》,她開心說:「好耐冇睇自己作品,當時得19歲,演技真係好幼嫩,好細個,家就要做人阿媽,喺新年度已經做媽咪角色。」問她現實生活想何時升任媽咪,她謂理想是30歲:「唔趕急,睇緣分啦。」
採訪:盧妹
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載