› 選擇地區
三藩市
紐約
洛杉磯
其他美國地區
香港 台灣 北美
 
2012年03月05日

港男畫廊出拳求婚
羅樂林年尾嫁女

陳志健跪地向女友求婚,羅苡之想了一會便答應。

06年香港先生健力組冠軍陳志健昨日在facebook公佈喜訊,宣佈與「甘草王」羅樂林的女兒羅苡之訂婚,他透露求婚過程十分浪漫,女友想了一會便點頭答應。不過,近日忙於拍劇的羅樂林直言未收到通知,並笑言﹕「最重要個女開心。」

羅樂林去年在電視上24小時死了多次,連歐美多國都有報道,人氣急升,今年更獲頒「2011風雲人物」第二位,想不到喜事一浪接浪,其女兒已與男友訂婚。

演舞台劇撻着

羅樂林與第二任妻子陳寶儀所生女兒羅苡之,前年與趙世曾兒子趙式浩分手後,即與06年香港先生健力組冠軍陳志健因合作舞台劇《鴨仔嘜》而撻着,兩人拍拖兩年多感情隱定,羅樂林早前亦開聲認定志健是未來女婿。
昨日陳志健在facebook公佈喜訊,宣佈與女友已訂婚。陳志健和羅苡之都喜歡畫畫,志健透露在畫廊送上驚喜,跪地向女友求婚,並且一擊即中,他說:「佢三月八號生日,佢啲朋友book咗尖沙嘴一個地方同佢慶祝,切蛋糕嗰陣我送咗個拳套畀佢。其實之前我買咗隻戒指仔收埋喺個拳套度,佢戴拳套嗰時先發覺,最後就攞咗隻戒指出嚟。」問女友是否冧爆飯應?志健笑說︰「佢諗咗一陣,都ok嘅。確實結婚日子未定,可能今年年尾。」

羅樂林感驚喜

終身大事都需要父母作主,不過近日忙於拍攝《雷霆掃毒》的羅樂林坦言未收到通知,他帶點驚訝說:「唔知喎,日日接通告,發生乜事唔知。我忙到連個女呢個月生日都冇時間同佢慶祝。」問可贊成二人婚事?他說:「都開心嘅,家係佢嫁,又唔係我嫁,但最緊要個女開心!」
採訪:林妃、盧坤穎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載