› 選擇地區
三藩市
紐約
洛杉磯
其他美國地區
香港 台灣 北美
 
2012年03月05日

林峯、三哥Chok暈師奶
徐子珊鬧市飛Bra

林峯、苗僑偉(三哥)、徐子珊和MCJin,昨日到佐敦拍槍戰戲,現場以林峯和三哥最受市民歡迎,但有位老伯卻誤叫林峯做林海峰,認真搞笑。而徐子珊和MCJin因劇情需要拿着成箱內衣褲狂奔,最後散落四周,搞到七彩靚bra通街飛。

無綫新劇《雷霆掃毒》昨日在佐敦拍槍戰戲,演出的有林峯、苗僑偉、徐子珊及MCJin等,吸引大批市民圍觀,劇情講徐子珊和MCJin偷運大批內衣褲,並用紙皮箱盛載,但混亂下紙箱爆開,七彩繽紛的bra和內褲在街上四散,此時卻遇上扮演警察的林峯和匪徒開槍駁火。

林峯變林海峰

三嫂戚美珍也到場探苗僑偉班,現場以林峯和三哥最受歡迎,不時有市民上前要求影相和簽名,但其中一位老伯見到林峯竟誤叫他做林海峰,問林峯有否尷尬?林峯說:「佢係伯伯嚟㗎,唔尷尬,徐子珊都試過畀人叫做徐子淇。」
徐子珊表示自己不會在香港買內衣:「唔係怕畀人知我size,只係覺得喺外地買方便啲。」子珊早前拍了一場打毒品針的戲,她就看了張靜初在電影《門徒》一場同樣的戲從中學習。
另外,問三哥有否祝賀好友劉德華將榮升老竇以及會否教他湊仔經?三哥說:「唔使教,因為華仔自學能力高,最緊要喺老婆生前生後陪住佢,我諗佢會做到。」對於陳志雲加盟商台,三哥與林峯表示支持,並指志雲口才好適合做電台。

MCJin鼓勵書豪

至於為NBA球星林書豪寫歌的MCJin表示:「我同林書豪唔係好熟,係我經理人識佢,咁大家先有email聯絡,我係因為睇過佢嘅訪問片段開始留意佢,至於首歌《NickofTime》靈感係嚟自林書豪,首歌係講佢嘅信仰,但唔算係專登為佢寫。」MCJin又說沒刻意給意見予林書豪,只是幾句鼓勵。
採訪:黃曉妍
攝影:仇志德、陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載