› 選擇地區
三藩市
紐約
洛杉磯
其他美國地區
香港 台灣 北美
 
2012年03月05日

馮仁昭四圍超:串燒故事配哭泣海報
《傾城之淚》翻Dup韓片 - 馮仁昭

《傾城之淚》演員有大家熟悉嘅梁詠琪(中)同任賢齊。

香港嘅電影、劇集同歌曲,不時都俾人踢爆抄襲人哋其他地方嘅作品,唔怪之得搞到水準每況愈下,不過有幾多人真係肯坦白承認自己抄人,個個都堅持話係原創,如果真係咁啱,六合彩都有得中。最近黃真真嘅新戲《傾城之淚》喺香港上映,海報都出埋,但就被網友發現張海報居然同05年韓片《真的愛你》幾乎一模一樣。
真係夾埋都冇咁啱,《傾》同《真》片嘅海報都係分咗左右兩行,幾對主角一左一右,個個擺出喊樣,唯一唔同嘅咪係《真》有四對,而《傾》片只係有三對囉,驟眼望落去真係以為係同一套戲。

拍攝手法近似

《真》片當年都集合咗韓國幾位紅星演出,包括大家熟悉嘅鄭雨盛,車太鉉、林秀晶同申敏娥等,而《傾》就係由梁詠琪、任賢齊、陳喬恩、李治廷、竇驍同周冬雨合作。唔單止電影海報一樣,連拍攝手法都好相似,兩套戲都係由多個古仔串連而成,馮仁昭噚日搵過《傾》片嘅導演黃真真,但係佢唔喺香港返咗北京,所以未能從佢口中得知真相。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載