› 選擇地區
三藩市
紐約
洛杉磯
其他美國地區
香港 台灣 北美
 
2012年03月25日

今日選特首 演藝界群情洶湧
星爺唔轉軚硬撐唐唐

【娛圈投票站】周星馳作為演藝界的選委代表,早前他曾公開撐特首候選人唐英年,但自從唐發生僭建事件和桃色新聞後,民望大跌,加上中聯辦施壓為梁振英拉票,有支持唐營的選委轉軚,但據悉星爺與林建岳等選委對唐的支持堅定不移,打算今日在特首選舉中不受中方壓力影響,將票投給唐唐。

相關新聞:軒仔小方現場投票揀心水

《唐營》
特首選舉今天決戰,面對中聯辦及土共全力威嚇選委不要投唐英年一票,演藝界選委一樣受壓,據悉大部份演藝界選委都收到中聯辦的電話,內容大致都是要求不要投票給唐英年,最好投給梁振英,因為唐處理緋聞和僭建事件太糟糕。

15位選委今朝決定意向

由於電影界的15位選委之前是一致撐唐英年,認為他擔任政務司司長期間,曾對電影界作出不少幫助,但近日多位選委受干擾後,感到投票有一定壓力,所以縱使選委如周星馳、林建岳、洪祖星與吳思遠等還是偏向支持唐英年,但為免遭秋後算賬,也不敢公開表態。但據可靠消息透露,周星馳手上的一票,仍會投給唐英年。
今早電影界15位選委會相約一起吃早餐,為選特首作最後研討,希望能統一投票意向。洪祖星昨日接受訪問說:「唐生對電影界幫忙好大,所以電影界選委會對佢比較有好感,但最終投票意向係點,我哋一班選委聽朝會一齊食早餐再作決定,所以你家問我投邊個,我都講唔到畀你聽。」
黃百鳴也是選委之一,他說:「我一定唔會投白票,最初我係偏向投畀唐英年,但發生咁多事後,家就會喺梁振英同唐英年兩者之中選其一,但到呢一刻,我仲未決定好投畀邊個。」一直挺唐英年的選委吳思遠,日前曾被中聯辦召見,見完中方官員後被追訪,當時他拒絕透露投票意向,不知是否受到壓力。記者昨日再致電問他投票意向,他說:「唔講嘞,仲知憑良心投票,因為自己係選委身份。」
高志森是文化界選委,昨日他稱文化界14張選票傾向投給梁振英,他說:「我哋文化界開過會,強烈要求選委投畀梁振英,因為我喺自己主持嘅電視節目訪問過佢,聽佢講嘅政綱,應該可以幫到香港人。至於大家擔心佢做特首會打壓新聞同言論自由,又或者硬推23條,我覺得香港係一個透明度好高嘅地方,如果佢做得唔好,大家一樣可以上街,逼佢落台嘅!」

相關新聞:鄺美雲:梁振英EQ高

阿杜:唐唔會搞亂香港

杜琪峯雖然不是選委,但他在全民投票中,心水是唐英年,昨日他說:「投畀唐英年係好過投畀梁振英,因為唐英年當選,唔會搞亂香港,其實呢個小圈子選舉,喺選前發生中聯辦公然挺梁事件,畀壓力選委,咁樣做對其他候選人好唔公平。」
任達華前晚和太太琦琦在台北出席Dior派對,華仔傾向支持唐英年:「對經濟會好啲,CY(梁振英)對經濟唔熟,唔熟政府。」
採訪:葉雪

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載