蘋果日報 | APPLE DAILY
› 選擇地區
三藩市
紐約
洛杉磯
其他美國地區
2012年03月26日

黃凱芹開騷激咀重口味
觀眾大叫周慧敏飛甩賤男

41,878

黃凱芹( Chris)前晚在紅館舉行演唱會,他除了跟女舞蹈員大跳貼身舞,又自摸下體兼肉緊咀嘴等重口味動作外,更以熱門豬狼作話題搞氣氛。而嘉賓周慧敏上台跟 Chris合唱時,突有觀眾大叫:「飛甩個賤男啦!」但她即裝聾扮傻若無其事, EQ極高。

連續兩場的「黃凱芹 True Colors25周年演唱會」前晚在紅館開鑼,梁小冰跟男助手、阮兆祥、湯寶如和林志美皆現身捧場,當晚有余劍明、梁雁翎及周慧敏擔任嘉賓。 Chris當晚開三面台,近九成爆滿,甫開場 Chris笑言:「我今次返嚟發生兩件大事,第一係要開騷,第二係返嚟香港都見起咗好多新地方,但始終西九未起好。我有諗如果起個公園改乜名,就叫『豬狼紀公園』,擺豬同狼雕塑,仲有一個擺乜好?」觀眾即大叫:「大蕃薯。」

台上公然調情

余劍明首先出場,她跟 Chris合唱《流離所愛》,接着久違了的梁雁翎跟 Chris唱出《那裡的天空不下雨》,她笑言:「好多男人喺北京都唱呢首歌嚟識女仔。」最後輪到 Vivian出場,兩人即打情罵俏, Chris說:「你好愛我!」 Vivian即回應:「我都幾愛你。」兩人攬腰合唱《情未了》,唱畢突然有觀眾大叫:「飛甩個賤男啦!」擺明指倪震,不過 Vivian扮聽唔到如常演出, Chris笑說:「呢個係我哋之間嘅 BB,係 Vivian嘅第一胎,隔咗22年,第二個 BB出世。」兩人即合唱新歌《長痛不如短痛》, Vivian笑說:「你小心啲講嘢。」

與舞蹈員肉搏

Chris下台跟觀眾握手,任男女 fans錫他。另外 Chris又和幾位舞蹈員大跳辣身舞肉搏,其中一位更捉着他的手自摸下體,意識大膽,最後 Chris更和女舞蹈員肉緊咀嘴。尾聲時 Chris唱出《一生何求》,感觸落淚,他謂:「我開咁多次演唱會,爸爸都冇嚟睇,希望佢聽到,珍惜眼前人。」
採訪:王連連
攝影:仇志德

娛聞樂陪你走遍全球追星,即Like「娛果」FB 專頁!
返回最頂
香港 台灣 私隱聲明 服務條款 刊登廣告 聯絡我們 招聘 訂閱版: 飲食男女|    Ketchup|    壹週刊
© 2017 AD Internet Limited. All rights reserved. 版權所有 不得轉載