› 選擇地區
三藩市
紐約
洛杉磯
其他美國地區
香港 台灣 北美
 
2012年04月14日

認定桃姐奪金像獎
嘉玲移交后座畀葉德嫻

金像獎明晚舉行,葉德嫻大熱問鼎最佳女主角,前晚和上屆影后劉嘉玲同場出席活動,劉嘉玲將預祝封后的花束交給葉德嫻,十足影后交棒儀式。葉德嫻直認外界都偏心想她封后,但她會以平常心面對,更大讚劉嘉玲是好演員!

劉嘉玲、葉德嫻、2R、泳兒、衞詩及欣宜新歡泡菜男模Jin等,前晚在鰂魚涌出席護膚品CledePeauBeaute30周年派對。
葉德嫻憑電影《桃姐》封威尼斯影后,明晚大熱角逐最佳女主角,而去年憑《狄仁傑之通天帝國》封后的劉嘉玲,今年則入圍最佳女配角,大會安排劉嘉玲即場送花給葉德嫻,預祝她封后,甚有影后交棒的味道。劉嘉玲說:「我同佢講,你攞獎攞到手軟啦,乜獎都拎晒。」但她自言不會羨慕:「佢有今日成就係應該,佢付出好多,我睇好佢!」

偉仔唔旺攞獎

至於影帝之爭,劉嘉玲笑指自己不能做評判,因為個個都鍾意:「好強,我個個都偏心,青雲係我訓練班嘅同學,華仔對香港電影貢獻大,姜文同葛優太好戲喇!」
至於她的競敵一樣強,劉嘉玲說:「蘇杏璇、惠英紅都唔使做(戲),一出嚟就係戲。」她又指老公梁朝偉要視乎心情才決定會否出席,她去年封后偉仔也不在場,她笑說:「可能佢避一避我就有獎拎呢!」至於偉仔的《一代宗師》仍未拍完,而《葉問3》又開拍,劉嘉玲就說:「家唔係葉問喇,家係一代宗師,可能(宗師)係一個做麵包嘅師傅,可能係一個記者呢,都未定。」

葉德嫻唔慶祝

葉德嫻就指自己平常心面對封后:「知道大家都偏心想我拎。」她謂未有打算開演唱會或旅行慶祝,問她可會將獎座送給華仔的BB做禮物?她說:「唔講得㗎,BB應該送BB書,BB做瑜伽好呀!」她又不忘大讚劉嘉玲好演技。
同場的衞詩則透露原定昨日和衞蘭出發往印尼,跟隨聯合國到當地探訪,順便慶祝生日,但遇上地震取消行程:「唔覺得好彩,因為係天災。」
採訪:梁錦雯 攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載