› 選擇地區
三藩市
紐約
洛杉磯
其他美國地區
香港 台灣 北美
 
2012年05月07日

拉姑心痛孫仔 盼鋒芝復合

張栢芝去年被踢爆主動在機艙和陳冠希合照,結果成為她和謝霆鋒離婚的導火線,不過近日忽傳兩人有機會復合。至於一直被指不滿栢芝的狄波拉前晚現身時,直指鋒芝若真的復合,對兩個孫仔來說絕非壞事,她亦不會反對。

譚詠麟(阿倫)和杜麗莎前晚在電視城為無綫錄影音樂節目,請來一眾好友捧場,包括曾志偉、陳百祥和黃杏秀、苗僑偉和戚美珍、顧紀筠和老公及狄波拉和鬍鬚Kong等,杜麗莎的80歲父親亦有捧場。

「父母應一齊」

近日傳出已離婚的鋒芝有機會復合,因有指霆鋒到栢芝家夜宿四晚,日前霆鋒又和栢芝帶同細仔Quintus出席大仔Lucas的家長日。對於霆鋒被指在栢芝家過夜,拉姑笑言不懂回應,她表示探孫仔時未有見到栢芝。提到Lucas家長日鋒芝一家四口齊出現,拉姑謂:「你哋(指記者)唔覺係開心事?有父母一齊點都開心嘅。你哋覺得係好事定壞事?你哋係都要講成壞事,但我唔覺得。企喺孫仔立場,父母一齊係應該。」記者追問是否贊成鋒芝復合?拉姑直言:「點會反對呢!」
問拉姑如何慶祝母親節?她笑言:「聽聞霆鋒會煮飯畀我食,我唔鍾意食甜品,但佢整嘅蘋果批真係好味。」問屆時會否三代同堂跟Lucas及Quintus一起過?拉姑說未知,一切由霆鋒安排。

阿倫狂玩好友

另外,前晚阿倫唱到《遲來的春天》時笑說:「有啲歌係可以帶動到人思春,好似顧紀筠咁。」顧紀筠老公陳仕偉更被阿倫拉上台合唱,陳仕偉笑言:「你講中我心事,真係遲來的思春。」阿倫又玩苗僑偉和戚美珍,指《誰可改變》是兩人定情歌。
採訪:楊潔雯 攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載