› 選擇地區
三藩市
紐約
洛杉磯
其他美國地區
香港 台灣 北美
 
2012年05月07日

馮仁昭四圍超:嘉穎寸冼師傅打拳唔正宗 - 馮仁昭

鄭嘉穎(右二)同冼灝英(右一)因拍《拳王》而傳出是非。劇照

鄭嘉穎呢排都算黑仔,除咗俾網民惡搞佢係橡膠穎,又俾同劇嘅武術顧問冼灝英公開話佢份人自我。嘉穎噚日喺沙田馬場出席活動時就主動講到呢啲是非,說話入面仲有骨有火,唔知係咪谷得太耐呢?
受訪時嘉穎話今次返港係宣傳無綫劇《拳王》同埋即將播出嘅內地劇《步步驚心》,問佢覺唔覺自己呢幾年當旺?佢就開始對近日嘅負面新聞作出反擊:「事業幾順利,但有得有失,是非多咗但會正面面對。」講到俾一齊拍《拳王》嘅冼灝英指摘,同埋被指獨孤精,嘉穎老實不客氣話:「拍攝時除咗冼師傅係顧問外,仲有泰拳師傅,佢哋六、七歲就學泰拳,姿勢好正宗,我要咁短時間學好姿勢,有乜問題都會問最正宗嘅,如果呢個過程令到人唔開心我講對唔住,真係唔好意思。我唔係話冼師傅教得唔好,但可能佢大聖劈掛會好啲。」

捍衞言論自由

至於被指喺拍攝現場講粗口,嘉穎只係話打拳講咗都唔覺,跟住仲帶啲火話自己係演員,工作係專心演戲,唔係做公關交際應酬,唔講嘢都唔係錯事,佢話:「我做番自己,唔係為其他人生活,每個人都有言論自由,我都有自己立場。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載