› 選擇地區
三藩市
紐約
洛杉磯
其他美國地區
香港 台灣 北美
 
2012年05月16日

退選足球明星
爆房陳七隨時被炒

為女死為女亡,南華前鋒陳肇麒(陳七)本前途無限,可惜他踢波未及媾女拼搏,昨日本報踢爆他拖長髮女到時鐘酒店爆房,南華昨日即向足總申請陳七退選「香港足球明星選舉」,羅傑承更明言「呢種人真係要放棄」,其足球生涯隨時斷送。

本報昨日獨家踢爆26歲南華前鋒陳肇麒,大前晚背正印模女友劉雅婷(Toby)拖長髮女到天后維多利亞時鐘酒店開房,又懶理老闆羅傑承鬧爆繼續煲煙,事件曝光後辣㷫羅傑承,原本陳七有份參選香港足球總會「2011/2012香港足球明星選舉」,昨日南華向足總申請陳七退選。香港足總昨在官網公佈陳七退選消息,並說:「本會得悉後已批准有關申請及尊重南華足球隊的決定,故已將陳肇麒先生從網上投票及投票表格中移除。」

羅傑承:要放棄

陳七經理人兼BMA董事總經理梁芷珊昨日在電話說:「本來呢個係佢私生活,但對球會對足總形象唔好。今朝七點幾起身睇到報紙,即刻去信足總要求退出選舉,佢嘅行為影響到頒獎禮形象,所以我哋要求退出選舉。辜負咗投佢票嘅球迷,我覺得好抱歉。」會否懲罰陳七?芷珊說:「要睇邊樣最大影響,第一時間先處理足球明星選舉。」她表示暫未聯絡陳七,陳七也沒聯絡他們,會否考慮罰他停賽?她說:「唔到我講,但對球隊係有影響。」最不滿陳七煲煙還是拖女開房?她說:「兩樣都一樣,唔只第一次,如果俾人影到兩次,即係話做咗已經唔只兩次,唔使再辯論。」
羅傑承昨在facebook明言有意放棄他:「後生仔做錯嘢時常有,但最緊要知錯同識得改過,如果講極都唔改過,呢種人真係要放棄。」
其實08年陳七效力傑志時曾與隊友打交,被傑志取消他參選香港足球明星選舉,之後被傑志踢出局。陳七今次爆房事件,分分鐘被球會雪藏,斷送球員生涯。記者昨致電陳七,但未獲回覆,原本昨日他要與球隊到慈雲山操練,但最後沒現身。至於陳七女友Toby昨透過短訊表示不在香港,問她有否看到陳七偷食新聞及會否不開心?她說:「No!」

長髮女遭大起底

至於偕陳七爆房的長髮女,昨被極速起底,指她正是模EmilyCheung張可義,三圍33B、25、36,09年入行,曾拍過不少廣告,但年齡卻是其秘密。之前陳七被本報拍得他偕媽模Mia陳靜儀約會,對於陳七拖女打友誼波,Mia昨寸爆說:「佢今次食麪催情,唔知係咪呢排冇運動要去時鐘酒店洩憤。我睇完條片,發覺陳七好啱做維多利亞嘅代言人。」
採訪:林妃、梁繼光、彭琮然

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載