› 選擇地區
三藩市
紐約
洛杉磯
其他美國地區
香港 台灣 北美
 
2012年05月22日

兩個囡囡愛揮筆
子淇大女血畫剖內心驚恐

千億新抱徐子淇昨日到灣仔出席藝術展,熱愛藝術的子淇自言多年來已儲了很多收藏品,她表示女兒喜歡畫畫,早前大女就畫了一幅自己在哭和流血的畫,嚇了子淇一跳,原來女兒仍未忘記之前不慎跌倒流血的經歷,她正好透過畫了解子女的內心世界。

千億新抱徐子淇昨日現身灣仔藝術中心,出席中國當代雕刻家向京和翟廣慈的藝術展,同場嘉賓包括顧紀筠。身兼藝術中心名譽副主席的子淇,自言多年來已儲了不少向京的陶瓷作品,她說:「之前係自己買嚟做收藏,認識之後就唔使買。之前生BB佢送咗個男仔小天使畀我,家收埋喺屋企,個女鍾意畫畫,怕佢會加兩筆,所以收埋晒。」

安慰開心面對

子淇表示兩個女都喜歡畫畫,早前四歲半的大女入學試就考IQ和畫畫,但未知結果,她說:「之前叫我大女畫幅畫,點之佢畫咗屋企,但畫中佢就喊緊同流血,嚇到我即刻問個女發生乜事,原來大女仲未忘記之前唔小心跌親流血嘅經歷,我即刻同大女解釋要開心面對,跌親唔使驚,好彩入學試冇畫到。」

跳彈床學集中

子淇又說:「智行基金幫助啲小朋友,佢哋好多父母過身之後都收埋自己,透過畫畫可以了解佢哋內心世界。大女除咗學課外活動,喺屋企都有跳彈床,因為佢太多精力,醫生話跳彈床有助小朋友學習同埋更集中。」
採訪:黃曉妍
攝影:仇志德

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載