› 選擇地區
三藩市
紐約
洛杉磯
其他美國地區
香港 台灣 北美
 
2012年06月11日

馮仁昭四圍超:隔空講波鬥寸
克勤誘阿叻過now - 馮仁昭

歐洲國家盃日前開鑼,今次由now購入播映權,但無綫就向now買咗其中四場賽事嚟播,噚日凌晨荷蘭對丹麥,無綫安排咗陳百祥同洪天明等做直播節目,有無綫契仔之稱嘅李克勤去咗now做主持,開波前克勤仲同阿叻隔空講波搞氣氛,阿叻寸克勤去到咁遠講波,克勤即提議阿叻都可過檔。
荷蘭輸波收場,捧荷蘭嘅天明當然失望,佢喺開波前受訪時話,以前有賭波,但呼籲大家唔好沉迷,問佢有冇掛住睇波冷落太太周家蔚?天明話:「唔會,睇波唔係成日,男人有男人嗜好,女人都有。」
對於無綫有冇限制主持喺聯播對話時嘅發言,有份做無綫歐國盃節目主持嘅阮兆祥話:「好興奮,事前都知道,係媒體間嘅好開始,但得分幾鐘,主力係阿叻同克勤講,佢哋有事先綵排。」

林莉學放電

另外,now前晚安排林莉、孫耀威、Mr.同黃婉曼等喺旺角宣傳歐國盃,林莉話呢排跟排舞師SunnyWong學跳舞,雖然學費貴,但就覺得物有所值,因為Sunny仲教佢點用眼神電人,令佢有唔少得着。孫耀威就話想喺現場睇世界盃呢啲大賽,又話以前好鍾意同爸爸齊齊睇波:「爸爸係好cool嘅人,係睇波先有共同話題,我好鍾意同爸爸一齊睇,不過近年睇波要安裝唔同電視台,好麻煩。」

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載