› 選擇地區
三藩市
紐約
洛杉磯
其他美國地區
香港 台灣 北美
 
2012年06月14日

馮仁昭四圍超:久保杏奈爆祖名鹹濕 - 馮仁昭

由松岡李那、蔡恩真等人組成嘅女子跳舞組合GirlsKingdom,噚日喺尖沙嘴出席活動,佢哋着上短裙跳舞好搶眼,蔡恩真彎腰時仲唔小心露出打底褲,咁又唔覺意搶咗鏡。成員之一嘅久保杏奈,之前同房祖名傳約會過,佢用英文否認緋聞,仲話同祖名只係朋友,不過久保都好老實咁話:「我喜歡佢,但只係朋友,佢真係好可愛。」另外又有傳久保同蔡恩真爭祖名,久保聽到即刻對住蔡恩真話:「Iloveyou,我哋冇爭任何嘢。」

松岡情傾城城

咁究竟幾位女仔鍾意啲乜嘢類型男仔?久保好搞笑兼老實話自己鍾意鹹濕仔,咁祖名係咪鹹濕仔先?久保老實不客氣話:「係㗎!每個男生都係鹹濕仔。」不過久保之後話朋友教佢鹹濕仔嘅中文解做好可愛。
之前祖名接受訪問時話如果前女友係戴安娜皇妃,之後同個妓女一齊會好對唔住舊愛,擺明踩咗唔少緋聞女友一腳,家久保形容祖名係鹹濕仔,唔知係咪要報仇。
蔡恩真就話自己心儀安志杰,但係知佢已經有談婚論嫁嘅女友謝婷婷,自己惟有放棄。至於松岡就鍾意郭富城,希望可以同佢一齊跳舞,不過睇怕要得到城嫂熊黛林批准先得喇。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載