› 選擇地區
三藩市
紐約
洛杉磯
其他美國地區
香港 台灣 北美
 
2012年06月14日

「我暫時畀得起」
熊黛林拒城城付鈔醫病父

熊黛林(Lynn)的爸爸之前患病入院,Lynn昨晚出席活動時透露父親已好轉及返回南京。至於外傳的百萬醫藥費,Lynn暗示男友郭富城有提出代付醫療費,但她以「我暫時都畀得起」而拒絕了。

陳慧琳、熊黛林、Angelababy和賭王千金何超蓮等,昨晚在金鐘出席美國品牌MarcbyMarcJacobs時裝騷,方力申和鄧麗欣則情侶拍拖到場,更大方搭住膊頭任影。
Lynn的父親之前重病入院,被指醫療費高達百萬,城城出手畀錢,Lynn透露爸爸已返南京,她說:「佢過兩個星期再返嚟香港,希望佢快啲好,佢家好番好多,肥番啲。」對於被指父親病重花費百萬,Lynn甚不滿:「好殘忍,呢啲咁不幸嘅事,我哋想盡辦法將爸爸心理同生理影響減到最低,但佢哋又咁,爸爸都有睇雜誌,好彩佢都OK。」對於有傳城城為她埋單,Lynn暗示城城有提出過,但自己拒絕了,她說:「我想靠自己,我暫時都畀得起,盡到做仔女嘅責任。」

超蓮:邊個仙杜拉

何超蓮被問到近期超雲一頭金毛被指似仙杜拉,她說:「邊個係仙杜拉?我唔識呀。」記者給仙杜拉的相她看,超蓮忍不住笑說:「都唔似。」又力撐家姐:「Fashion係咁㗎啦,幾十年潮流就返嚟。」但仙杜拉並非時裝界,超蓮儍更更說:「咁外國嘅fashionicon,好似LadyGaGa都有反對聲音啦。」她又指家姐已經瘦了,反而陳山聰更肥。問她網友指超雲似麪包超人,超蓮說:「我唔覺得似,我都唔鍾意麪包超人。」又指想效法家姐剪短髮染綠,但沒膽量。
另外,環球唱片和無綫仍未傾掂歌手亮相的事,但陳慧琳昨晚繼續接受無綫訪問,她說:「唔知呀,聽講係未傾掂數,我諗係針對唱歌,我都未有唱片出,但我嚟緊會做TVB回歸騷。」又讚千嬅囝囝可愛。
Baby則透露將返上海拍戲半年,之前黃曉明被網友移花接木的巨鵰裸照,Baby說:「不雅,唔好再提啦。」但不忘大讚男友身材好,她說:「我一向鍾意肌肉型,係『崇尚外貌協會』,佢係超級滿分。」父親節將至,Baby透露會送戲票給曉明爸爸,又承認見過曉明爸爸。
採訪:梁錦雯
攝影:陳慧安

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載