› 選擇地區
三藩市
紐約
洛杉磯
其他美國地區
香港 台灣 北美
 
2012年06月16日

互傳情色短訊成癖
LuLu爆樂仔上門尋歡

余文樂最近被兩位模王璐瑤(LuLu)和顏后君(Ceci)搞到周身蟻,雖然樂仔已為自己解畫,直斥有人博宣傳。不過LuLu昨日出席活動不甘有人「唔認數」,再爆樂仔喜歡約人返屋企,又嘲他色字頭上一把刀,情慾對話全屬雙方你情我願。

最近被揭與余文樂玩情慾短訊的模王璐瑤,昨日與鍾蕙芝(Lavina)在佐敦出席腳底按摩店活動,男按摩師還未掂到LuLu隻腳,她已嗌到嘩鬼叫,十分誇張。對於余文樂指自己被人利用宣傳,更懷疑有人扮自己另一位朋友,LuLu不屑說:「我只可以講,色字頭上一把刀,牛唔飲水唔㩒得牛頭低,我都好想知佢嗰位朋友係邊個囉!」

次次約去屋企

LuLu透露與樂仔在08年拍攝電影《第一誡》時已認識,當時交換了電話號碼,雙方玩情慾短訊已維持年幾,她揶揄樂仔有此癖好,她說:「佢話唔識我?可能佢好多呢類型、玩調情短訊嗰類關係嘅女仔啦。」她表示沒有與樂仔單獨見面,直言對這個人有保留,她說:「如果一個人約親你出街,次次都話喺屋企,同成日講埋呢啲嘢。」是否上樂仔屋企?她說:「唔係,佢話上嚟我屋企,但唔想再講。」
短訊內容露骨,問LuLu怎樣回應「打完機機(打手槍)就瞓」這句話?她扮失憶說:「我唔記得,我唔係咁隨便嘅人,佢有要求大家交換相,但我只係畀咗工作相。我都好欣賞佢,但唔會同佢發生關係。」情慾短訊離奇流出,LuLu解釋:「咁耐,我啲電話有拎過去換過,都唔知邊個,其實對大家都冇益處,我唔想俾人話我借佢宣傳。」有份演出電影《車手》的余文樂、黃秋生、何超儀等昨日到上海出席上海國際電影節,樂仔被問愛車還是愛女人?他笑言:「現在我只愛車,我要當最型的車手。」

Lavina死撐大鼻

與LuLu同場的Lavina自爆曾有男仔要求她影情慾照,但她只做攝影師,並不排除將來影全裸照私藏。對於被指削尖面疑整容,她例牌否認:「話我間尺鼻?細個已有花名叫『大鼻』,相士話我旺夫呀!」
採訪:卓寶花 攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載