› 選擇地區
三藩市
紐約
洛杉磯
其他美國地區
香港 台灣 北美
 
2012年06月18日

佳麗投票互out喊咁口
鍾麗轟無綫殘忍

【倫敦直擊】今年16位準港姐目前身在倫敦拍外景,無綫為增加刺激性大玩真人騷,爆出慾照的鍾麗前日與陳華鑫率先被out出局執行李回港,其他佳麗目睹不禁落淚。鍾麗和陳華鑫齊齊炮轟無綫,由原先評判決定忽然改由佳麗互out自相殘殺,十分殘忍。

相關新聞:張名雅疑似整容

港姐今年實行搞搞新意思,目前有16位準佳麗,但會一直out走部份參賽者,最後只有10至12位可以留低參加決賽,大玩真人騷增加刺激性。現在16位佳麗依然在英國倫敦拍攝,香港時間前日率先進行淘汰,在早前對決的輸家A組中8位佳麗中要out走兩人,8位佳麗帶同行李齊集酒店門外等候結果,其他B組佳麗亦有現身相送,最後跟男友慾照曝光的鍾麗,以及陳華鑫齊齊被淘汰,反而貌似人生教練Winnie的尤蔭蔭可以留低。

索女隨時被踢走

同行港姐負責人陳家揚,被問到要佳麗互選out人似乎很殘忍,他表示這是規則,佳麗亦接受,陳家揚表示決賽時會有10至12位佳麗參加,但亦有佳麗由評判直接點名入圍。但由佳麗互相投票,擺明是小圈子選舉,隨時最靚最索的被其他佳麗踢走,陳家揚聞言竟說:「咁睇佢哋自己點諗,我哋控制唔到。今年質素好好,好平均,我哋都好難揀,留番畀佢哋自己揀。」
結果宣佈後鍾麗和陳華鑫表現異常冷靜,反而「人微妍希」陳潔玲、朱千雪和湯洛雯即眼濕濕,陳潔玲最為激動,要用紙巾拭淚。問到陳華鑫被out感受,她笑笑口說:「都係咁,有少少唔開心,又唔係好失望。」陳華鑫是以後補佳麗身份入圍,剛入圍又再被out走,會否覺被無綫玩?陳華鑫表示:「咁諗咪仲唔開心,唔入圍又點嚟倫敦。」但由佳麗互選會否不公平?陳華鑫謂:「唔知呀,但係太突然,因為原先話由評判揀,點知突然要我哋揀番。」而她所揀的佳麗為鍾麗和黃心穎。

曾明俐直入決賽

會否覺無綫不負責任?鍾麗直說:「梗係,佢哋難揀,我哋咪仲難揀,我覺得殘忍。」她更透露日前A和B組對決,其實是打和,她們以為會每組踢走一個佳麗,怎料又突然決定在A組out走兩人,她直言覺得有不公平,而鍾麗投票時揀了自己和尤蔭蔭,事後她在官方fansbook留言後悔揀了自己。大會昨公佈目前最高分數三位佳麗,分別是張名雅、曾明俐和湯洛雯,而第一名的曾明俐已可直接進入決賽。
採訪:王祟穎 攝影:黃偉雄

若讀者知道這班入圍佳麗的底細,歡迎電郵至mailto:adent@appledaily.com報料。

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載