› 選擇地區
三藩市
紐約
洛杉磯
其他美國地區
香港 台灣 北美
 
2012年06月26日

馬德鐘新劇做炮灰
老婆出力打救

無綫安排新劇《飛虎》前晚10時首播,聲稱要開拓周日新時段,卻令馬德鐘和宣萱隨時變炮灰。前晚馬德鐘和《飛虎》演員出席仁愛堂活動,原來幕後是由馬太張筱蘭穿針引線,令他可做善事之餘又有機會力谷新劇,馬太對老公果然無微不至。

馬德鐘和一眾無綫新劇《飛虎》演員如羅仲謙及黃智雯等,前晚到灣仔出席仁愛堂慈善活動,馬德鐘唱出新劇主題曲,為當晚首播的劇集乘勢做宣傳。原來這一切都是馬德鐘老婆張筱蘭的安排,為老公新劇打響頭炮,馬德鐘說:「因為我老婆同仁愛堂主席好老友,我本身又係仁愛之星,雙重意義,可以宣傳又可以幫人。」

羅仲謙唱歌被彈

新劇《飛虎》被安排在星期日播出,問馬德鐘對該劇會否有期望?他說:「我當然想多啲人睇,新時段對我嚟講係新挑戰。呢個安排好呀,試吓新時段,如果有好成績,我咪有功勞。」會否覺得新劇成為白老鼠當試驗品,隨時成炮灰?馬德鐘說:「冇所謂,咪試吓,冇話蝕底,我見公司都落重本宣傳。」結果《飛》劇前晚收視平均29點(約186萬觀眾),最高30點(約192萬觀眾)。
羅仲謙笑言當晚是他首次上台唱歌,雖然是一大班人,但也有點緊張。原來羅仲謙小時候不敢上台獻唱,入行後覺得隨時要上台表演,因此找老師學唱歌,不過現時因太忙而沒有再學,他說:「老師都話我冇乜天份,要加倍努力。」有否唱歌給女仔聽,例如緋聞女友楊怡?羅仲謙說:「冇呀,屋企人同經理人都冇聽過。」
在劇中扮演女飛虎成員的黃智雯,會有不少動作場面,又和羅仲謙發展一段似是兄弟情的微妙關係。問黃智雯未入行前有否想過投身紀律部隊?她說:「我知好有型,但都知道始終係好辛苦,自己未必可以應付得嚟,所以都冇諗過。」
採訪:楊潔雯
攝影:陳順禎

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載