› 選擇地區
三藩市
紐約
洛杉磯
其他美國地區
香港 台灣 北美
 
2012年06月26日

兩子興奮迎接小公主
麥家琪誕龍女肚皮收工

龍年BB陸續出世,嫁了大律師後、專心相夫教子的麥家琪,上周無痛分娩誕下女兒,改名以晴,全家開心歡迎小公主加入。麥家琪結婚六年生三個,平均兩年一名,非常切合香港政府呼籲,她昨日接受訪問時,宣佈肚皮收工。

參選港姐晉身娛樂圈的前女星麥家琪,06年下嫁大律師王國豪,之後淡出幕前,閒來行街購物,做少奶奶之餘更密密生。麥家琪婚後連生兩子,大仔Johan今年四歲,細仔Enoch就兩歲,有仔自然想追女,她去年終如願以償順利懷上第三胎,更成功陀女嬰。

餅印十足

上星期四麥家琪作動,順產誕下小龍女,母女平安,前日兩母女已出院返家。麥家琪的BB女樣子精靈,五官精緻,鼻高高、眼仔大大,似足媽咪麥家琪。麥家琪昨日接受電話訪問,宣佈收工:「今次係最後一胎,以後就收工唔再生。」
麥家琪本來想開刀,但接生醫生很嚴謹,也不贊成開刀,她說:「醫生好嚴,連超聲波相都只係准影兩張咁大把。除咗第一胎自然分娩之外,之後嗰兩胎都係用無痛分娩。頭一胎好想感受吓生細路嗰種痛苦,試過先知真係有幾痛。」

不停錫錫

麥家琪表示囡囡會跟兩個阿哥用「以」字排名,改名以晴,留在家中坐月的她,表示全家都為新成員加入感到非常高興,而且最開心居然是兩個兒子,她說:「大仔好興奮成日錫個妹,細仔就仲細,不過見佢都好好奇同開心。囡囡應該有條件做公主,因為有兩個哥哥照顧佢。」
撰文:唐如

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載