› 選擇地區
三藩市
紐約
洛杉磯
其他美國地區
香港 台灣 北美
 
2012年06月29日

馮仁昭四圍超:陳敏之前後失守洩春光 - 馮仁昭

無綫噚日喺將軍澳電視廣播城舉行「TVBAMAZINGSUMMER」活動,出席嘅有鍾嘉欣、陳敏之、賈曉晨(JJ)、羅仲謙、黎耀祥同14位候選港姐等,眾藝人以夏日打扮現身,着咗條超短熱褲嘅敏之,上台時不慎前後失守,褲管露出豹紋內褲,後面就露咗少少屁股。事後訪問時佢起初唔信自己走光,馮仁昭畀埋相佢睇之後,佢就死撐話:「唔怕嘅,入面嗰條都襯到出面條短褲,有pattern㗎!下次會小心啲。」

JJ甩拖眼濕濕

慘被男友沈震軒飛起嘅JJ,成個活動都冇乜心機,難得佢仲眼濕濕幫男方講好說話:「其實佢真係一個好好男仔,好專一,唔好寫佢花心。」兩個係咪分咗手?JJ死口唔認拍拖,仲話大家永遠都係朋友,問到JJ遲啲有冇機會同沈震軒一齊?佢就話:「暫時都唔會有機會,冇時間。」講講吓又將沈震軒形容為普通朋友,見JJ思緒咁亂,睇嚟佢今次受情傷真係幾甘吓!
另外,大會神秘安排咗生日蛋糕畀噚日生日嘅候選港姐朱千雪,問佢係咪許願奪冠軍?佢就話:「我會靠實力,許願希望咁多位港姐都繼續開心。」而另一港姐卞曉帆俾人爆料家底豐厚,佢就坦白咁講身家有七位數字,仲係兩間公司嘅股東之一㖭!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載