› 選擇地區
三藩市
紐約
洛杉磯
其他美國地區
香港 台灣 北美
 
2012年07月11日

阿倫勸歌手要爭氣
杜麗莎彈阿Sa唔識唱歌

無綫日前舉行的《紅白鬥》,參演的歌星不是咪嘴就走音,連環出醜,蔡卓妍(阿Sa)唱《下一站天后》全程走音成為笑柄。曾教阿Sa唱歌的杜麗莎(Teresa)前晚出席簽名會,她直指現今做歌星很容易,但站在台上卻未必個個識唱歌,可謂當頭棒喝。

唱家班譚詠麟(阿倫)和杜麗莎,前晚在旺角為新碟《TimeAfterTime》舉行簽名會,有過百fans到場排隊。

唔夠瞓冇氣唱

無綫《紅白鬥》節目歌星連環走音,尤其是蔡卓妍現場唱出《下一站天后》,幾乎全程走音,令全城人笑爆。
當年阿Sa曾跟Teresa學唱歌,Teresa坦言在香港做歌手的確比較困難,要兼顧很多工作,根本沒時間學唱歌,Teresa直言:「食同瞓都唔夠,仲邊有氣唱歌呢。」但阿Sa在圈中十年唱功依然沒進步,Teresa直言:「咁你要同佢公司講,家歌手好普遍,但企得上台未必識唱歌,希望人人進步唱好歌。」
剛由外地返港的阿倫聲稱不知情,他亦寄語如果要唱現場必定要多練習。提到不少香港歌手予人感覺唱功水皮,阿倫表示:「俾人咁覺得嘅話,香港歌手要爭氣,練好啲,畀人知道香港歌手係得。」以往阿倫回答問題不時口不擇言,為何今次答得如此保守,是否因怕像上次取笑「祖師戀」般要事後補鑊?阿倫有點激動說:「梗係唔係,祖兒都冇嬲,人哋點樣攞嚟講、攞嚟寫我唔理,我見咁多場面點會理呢啲嘢。」

曉風放洋留學

有傳劉德華送二億豪宅畀囡囡,阿倫表示自己亦會把所有東西送給兒子曉風,更會陪他創業,不過目前兒子最重要是學業,阿倫透露兒子已到外國讀書,不久更會入讀大學。
採訪、攝影:溫敏芝

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載