› 選擇地區
三藩市
紐約
洛杉磯
其他美國地區
香港 台灣 北美
 
2012年07月11日

潮上身
何志恩古惑妹

米色古着喱士圖案恤衫(古着店Microwave)
黑色喱士細節nylon裙(JohannaHo)
古着腰帶(倫敦AlfiesMarket)
金色platforms(Givenchy)

本地時裝設計師何志恩(Johanna)近年愛與不同時尚單位crossover,與她奉行「反totallook、才是有火花的時裝遊戲」主義不謀而合。Johanna的fashionstyle愛古着混highfashion,也愛雌雄同體,最愛穿梭倫敦、東京的跳蚤市場尋古着寶物,為自己擦出奇妙的時裝化學作用。撰文:梁錦雯

本地時裝設計師何志恩回歸香港主場十年,終的起心肝開店,問對開舖的期望,她劈頭說:「希望鍾意時裝嘅人唔好totallook。」
有時會雌雄同體,又會以vintage襯Cēline、Givenchy等的Johanna說:「每個人性格都有分裂層面,我鍾意keep短髮,爽直character,會以女仔accessorybalance。我又唔鍾意totallook,唔使人剩係鍾意JohannaHo,如加一件vintage,多咗另一個味道,多咗唔同chemistry。」

母鬧買死人衫

Johanna的古着情意結始於祖父母年代:「我公公細佬老婆同尤敏係朋友,嗰個年代都係自己買布造衫,好多刺繡手工,都係oneofakind設計。」之後她喜歡到跳蚤市場尋古着,則始於她在倫敦聖馬田讀時裝的年代:「由啲鬼妹帶我去CamdenMarket買啲一、兩英鎊大褸開始,我媽咪成日鬧我買死人衫,跟住學都唔返,逢星期一去CoventGardenfleamarket,之後去Portobello,啲老同學JohnGalliano都去嗰度搵寶物,我買過啲1910年代維多利亞風格嘅喱士裙,雖然會有啲爛,但當時年代嘅手工好仔細,現今係做唔到。之後去日本做時裝,就喺東京買古着。」
香港時尚水平,Johanna謂提高了不少:「家似十年前日本初期,自己都開始覺得香港年輕人開始接受二手古着,亦襯出自己style,香港人應該搵番自己。」

新店專人服侍

Johanna的新店,如她所言以一站式的時裝概念出發,她說:「我間舖頭會有stylist,又搵咗英國化妝品牌Becca合作,要有personalshopping感覺,唔怕有選擇障礙症,唔想人買衫好似執藥咁A餐、B餐魚柳包餐咁,要令佢哋着衫有成功感,唔係剩係整靚衫,係想整靚人,高矮肥瘦同model身形,着衫都係件開心事。」
自言做時裝也要有火花的Johanna,近年與不同單位合作如藝術家LeanneClaxton、Moiselle、PedderRed、日本潮物品牌Rody、德國鞋履品牌Birkenstock,以及與好姊妹徐濠縈開設的Liger合作等,Johanna也笑自己是交叉女王:「越嚟越發覺時裝係講緊synergy,同唔同單位合作,大家都幫到大家,互相配合,好似我最近會同一個女仔合作,佢專做啲oneofkind飾物,我就會將佢設計擺落我啲衫度。」攝影:仇志德

介紹大坑入貨

Johanna隨意mix&match的功力,浸淫古着市場居功至偉,她笑言人生使得最多錢也是花在vintagefashion上,她說:「最鍾意睇澳洲一本叫《Russh》嘅時尚雜誌,有好多古着加每季時裝styling,買衫都會喺ebay網上尋寶,以前好鍾意去日本買古着,家大坑有間古着店叫Microwave,專入大阪一間舖頭喺外國搜購番嚟嘅精品同古着。」

靚唔靚

着得好,《蘋果》絕對睇到;着得曳,《蘋果》更加睇到!一周精選最正靚人、最嘔打扮,鞭策大家齊齊進步!

Best 鄭秀文

紙板人阿mi的平面身形,自有其平板之奶。日前她出席薛凱琪的個唱,幾何閃片cardigan登台feel十足,再加兩抽大鏈,都易變麗花皇宮賣歌女,阿mi就是勁在加埋爆炸頭,會變成更勁力十足的潮女。

Worst 鄭融

綵排也要見人、見報,鄭融的便裝連有型家居服都算不上。綠色束腳褲本來就是矮人陷阱,鄭融加上一對厚重sneakers,非常overloading,身上短而橫的方形tee則是當打,但露肚、露腩絕非rightmatch!

形象:JeniofJohannaHo
化妝:JanLeungofBeccaCosmetics
場地提供:JohannaHo(尖沙嘴Woodhouse)

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載