› 選擇地區
三藩市
紐約
洛杉磯
其他美國地區
香港 台灣 北美
 
2012年07月13日

睇中與劉翔老友
基仔成無綫奧運秘密武器

無綫和亞視預計將取得今屆倫敦奧運播映權,隨時和有線齊齊有得播。無綫已準備出盡全台精英迎戰,據悉有意邀請與劉翔稱兄道弟的古巨基親赴倫敦做採訪直擊,令有線陷於苦戰。而王維基就揶揄今次奧運轉播權峰迴路轉,可以用來拍劇。

今屆倫敦奧運尚有十多天便揭幕,香港幾間電視台為轉播權爭個你死我活。有指無綫已私下派員與國際奧委會直接商討播映權,雖然日內才有結果,但前晚無綫和亞視已各自發聲明,表示會聯合製作及播映相關節目,明剃有線眼眉。

魔童笑峰迴路轉

無綫如今勝劵在握,各部門也傾盡全力配合奧運採訪,近日已密密開會。據悉體育記者伍家謙已整裝待發去倫敦,但以無綫慣例,還會派出星級嘉賓同行,據悉古巨基是無綫首選之一,皆因他所屬的英皇一向與無綫關係好,加上基仔自04年與中國欄王劉翔合唱後,成為好友,二人曾以「阿翔」及「基哥」相稱,08年基仔曾代表無綫去北京直擊劉翔出賽,怎料劉翔因傷退出,令基仔無功而回,如果今趟成事,基仔定能完成使命。
「魔童」城市電訊主席王維基昨日在觀塘出席黃日華與女兒的簽約儀式,有線臨門獨家播奧運撻Q,皆因政府遲遲未發免費電視牌照,而王維基也深受其害,他揶揄今年奧運轉播權峰迴路轉到可拍劇,他說:「如果有夾埋(無綫和亞視),政府監管機構應該要調查一下,聯手唔係幾好,因為有反競爭條例。聽聞家有兩個方案,一係亞視同有線deal,另一係無綫同奧委會deal,但乜都唔緊要,我最緊要有得睇,始終收費同免費觀眾唔同層面。」
王維基又透露城電至年底已製作200小時節目,有望新政府在今年下半年發免費電視牌照,他自言重視製作,會隨時鬧人,身旁的黃日華即笑說:「以後唔使我發火,留番畀王維基。」

無綫搵星做招徠

無綫外事務科高級經理何蕙[!96D7]昨日表示奧運轉播權暫未有進展,但如果成事,不排除找星級嘉賓助陣,她說:「以無綫一向做大型節目嚟講,有時會為咗令視覺更有效果,好似之前嘅歐國盃,我哋都請咗阿倫、阿叻,如果今次奧運真係得,都有機會邀請星級嘉賓。」
採訪:嵐山

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載